ചെറുവത്തൂര്‍: കെ.എസ്.കെ.ടി.യു ജില്ലാ സമ്മേളനം ചെറുവത്തൂരില്‍ ഇന്നാരംഭിക്കും. പൊതുസമ്മേളന നഗരിയില്‍ സംസ്ഥാനകമ്മിറ്റിയംഗം കെ കുഞ്ഞിരാമന്‍ പതാകയുയര്‍ത്തി. പ്രതിനിധി-പൊതുസമ്മേളന നഗരിയില്‍ ഉയര്‍ത്താനുള്ള കൊടിമര പതാക ജാഥകള്‍ വിവിധ കേന്ദ്രങ്ങളില്‍ നിന്ന് അത്‌ലറ്റുകളുടെയും വളണ്ടിയര്‍മാരുടെയും അകമ്പടിയോടെയാണ്  ചെറുവത്തൂരിലെത്തിച്ചത്.  
ഇന്നു രാവിലെ പത്തിന്  പൂമാല ഓഡിറ്റോറിയത്തിലെ വി അപ്പു നഗറില്‍ നടക്കുന്ന പ്രതിനിധി സമ്മേളനം സംസ്ഥാന സെക്രട്ടറി എം.വി ഗോവിന്ദന്‍ ഉദ്ഘാടനം ചെയ്യും. 342 പ്രതിനിധികള്‍ സമ്മേളനത്തില്‍ പങ്കെടുക്കും.
വൈകുന്നേരം അഞ്ചിന് ചെറുവത്തൂരില്‍ നടക്കുന്ന സാംസ്‌കാരിക സമ്മേളനം ഏഴാച്ചേരി രാമചന്ദ്രന്‍ ഉദ്ഘാടനം ചെയ്യും.
ഒന്‍പതിനു പകല്‍ മൂന്നിനു വി.വി നഗറില്‍ നിന്നു പൊതു പ്രകടനം ആരംഭിക്കും. തുടര്‍ന്ന് ചെറുവത്തൂര്‍ ടൗണില്‍ നടക്കുന്ന പൊതു സമ്മേളനം മന്ത്രി കെ.ടി ജലീല്‍ ഉദ്ഘാടനം ചെയ്യും.