കോഴിക്കോട്: ഓണം, പെരുന്നാള്‍ ആഘോഷങ്ങളുടെ ഭാഗമായി കോഴിക്കോട് നഗരത്തില്‍ അനിയന്ത്രിതമായ തിരക്ക് അനുഭവപ്പെടുന്ന സാഹചര്യത്തില്‍ ഗതാഗത നിയന്ത്രണവുമായി പൊലിസ് അധികൃതര്‍. ഒരാള്‍ മാത്രം സഞ്ചരിക്കുന്ന നാലുചക്ര വാഹനങ്ങള്‍ക്ക് ഇന്നു മുതല്‍ 16 വരെ കോഴിക്കോട് നഗരപരിധിയില്‍ കര്‍ശന നിയന്ത്രണം ഏര്‍പ്പെടുത്തി. തിരക്ക് പരിഗണിച്ച് പൊതുജനങ്ങള്‍ ഗതാഗതനിയന്ത്രണവുമായി സഹകരിക്കണമെന്ന് കോഴിക്കോട് സിറ്റി ട്രാഫിക് അസി. കമ്മിഷണര്‍ അറിയിച്ചു.