ദുബൈ: 2025 ഒക്ടോബർ 12 മുതൽ, യൂറോപ്പിലെ ഷെങ്കൻ രാജ്യങ്ങൾ വിമാനത്താവളങ്ങളിലും അതിർത്തി പോയിന്റുകളിലും പുതിയ എൻട്രി/എക്സിറ്റ് സിസ്റ്റം (EES) നടപ്പിലാക്കും. ഇനിമുതൽ, പാസ്‌പോർട്ടിൽ മുദ്ര വയ്ക്കുന്നതിന് പകരം, ഉദ്യോഗസ്ഥർ യാത്രക്കാരുടെ പ്രവേശന തീയതിയും താമസ കാലാവധിയും ഉൾപ്പെടെയുള്ള വിവരങ്ങൾ ഡിജിറ്റലായി രേഖപ്പെടുത്തും.

ബയോമെട്രിക് പാസ്‌പോർട്ട്

ലോകമെമ്പാടും ബയോമെട്രിക് അല്ലെങ്കിൽ ഇ-പാസ്‌പോർട്ടുകൾ ഇപ്പോൾ വ്യാപകമായി ഉപയോഗിക്കപ്പെടുന്നുണ്ട്. ബയോമെട്രിക് അല്ലെങ്കിൽ ഇ-പാസ്‌പോർട്ട്, സാധാരണ പാസ്‌പോർട്ടിന് സമാനമാണ്. എന്നാൽ, ഇതിൽ ഒരു ചെറിയ ഇലക്ട്രോണിക് ചിപ്പ് ഉൾപ്പെടുത്തിയിട്ടുണ്ട്. ഈ RFID ചിപ്പ് നിങ്ങളുടെ വ്യക്തിഗത വിവരങ്ങൾ, ഫോട്ടോ, വിരലടയാളം എന്നിവ സൂക്ഷിക്കുന്നു. ഇത് അതിർത്തികളിൽ വേഗത്തിലും സുരക്ഷിതമായും തിരിച്ചറിയൽ പരിശോധന നടത്താൻ സഹായിക്കുന്നു. പാസ്‌പോർട്ടിന്റെ കവറിൽ ഒരു ചെറിയ സ്വർണ്ണ ചിപ്പ് ചിഹ്നം ഉണ്ടെങ്കിൽ, അത് ബയോമെട്രിക് പാസ്‌പോർട്ടാണ്.

ഷെങ്കനിൽ ഇ-പാസ്‌പോർട്ടിന്റെ ഉപയോഗം

ഔദ്യോഗിക EES വെബ്‌സൈറ്റിൽ പറയുന്നത് പ്രകാരം, ഷെങ്കൻ രാജ്യങ്ങളിൽ രണ്ട് തരത്തിലുള്ള പാസ്പോർട്ടുകളും (ബയോമെട്രിക്, സാധാരണ) സ്വീകരിക്കപ്പെടും. അതിനാൽ, ചിപ്പ് ഇല്ലാത്ത പാസ്‌പോർട്ട് ഉള്ളവരെ ഇമിഗ്രേഷനിൽ നിന്ന് ഒഴിവാക്കില്ല.

ALSO READ: ദുബൈയിൽ ഇരുപത്തിമൂന്ന് പുതിയ ജഡ്ജിമാരും ജുഡീഷ്യൽ ഇൻസ്‌പെക്ടർമാരും സത്യപ്രതിജ്ഞ ചെയ്തു

അതേസമയം, എമി​ഗ്രേഷൻ നടപടികളിലെ വേ​ഗതയിൽ മാറ്റമുണ്ടാകും. ബയോമെട്രിക് പാസ്‌പോർട്ട് ഉപയോഗിച്ച്, നിങ്ങൾക്ക് നിങ്ങളുടെ ഡോക്യുമെന്റ് സ്കാൻ ചെയ്ത്, ഒരു ഉദ്യോ​ഗസ്ഥനെ കാണാതെ തന്നെ വേഗത്തിൽ നടപടിക്രമങ്ങൾ അവസാനിപ്പിച്ച് കടന്നുപോകാനാവും. ചിപ്പ് ഇല്ലാത്തവർക്ക് മാനുവൽ ലൈനിലൂടെ പ്രവേശനം ലഭിക്കും.

യുഎഇ നിവാസികളെ ഇത് എങ്ങനെ ബാധിക്കും?

യുഎഇ പാസ്‌പോർട്ട് ഉടമകൾക്ക് 180 ദിവസത്തെ കാലയളവിൽ 90 ദിവസം വരെ ഷെങ്കൻ രാജ്യങ്ങൾ വിസ ഇല്ലാതെ സന്ദർശിക്കാം. പുതിയ സംവിധാനം ഘട്ടം ഘട്ടമായി നടപ്പിലാക്കുമ്പോൾ, അതിർത്തി പരിശോധനകൾക്ക് പതിവിലും കൂടുതൽ സമയമെടുത്തേക്കാം.

അതേസമയം, ബയോമെട്രിക് പാസ്‌പോർട്ട് ഉള്ള യാത്രക്കാർക്ക് ചില വിമാനത്താവളങ്ങളിൽ വേഗമേറിയ സെൽഫ്-സർവിസ് കിയോസ്കുകൾ ഉപയോഗിക്കാം, ഇത് കാത്തിരിപ്പ് സമയം കുറയ്ക്കും. യുഎഇയിലെ ഒട്ടുമിക്ക പാസ്‌പോർട്ടുകളിലും ഇതിനകം തന്നെ ബയോമെട്രിക് ചിപ്പുകൾ ഉൾപ്പെടുത്തിയിട്ടുണ്ട്.

ALSO READ: വിവാഹം ദുബൈയിൽ വച്ചാണോ? എങ്ങനെ വിവാഹം രജിസ്റ്റർ ചെയ്യാം എന്ന് അറിയാം 

യുഎഇയിലെ പ്രവാസി സമൂഹത്തിന്, ദേശീയതയെ ആശ്രയിച്ച് നടപടികളിൽ മാറ്റം വരും. ഷെങ്കൻ വിസ ആവശ്യമുള്ള പ്രവാസികൾ വിസ പ്രക്രിയയിൽ വിരലടയാളങ്ങളും ഫോട്ടോയും സമർപ്പിക്കുന്നത് തുടരും, അതിർത്തിയിൽ ഫോട്ടോ മാത്രം വീണ്ടും ശേഖരിക്കപ്പെടും.

വിസ-മുക്ത രാജ്യങ്ങളിൽ നിന്നുള്ള പ്രവാസികൾ (യുകെ, യുഎസ്, കാനഡ, ഓസ്‌ട്രേലിയ) പ്രവേശന സമയത്ത് ഫോട്ടോയും നാല് വിരലടയാളങ്ങളും രേഖപ്പെടുത്തും.

എല്ലായിപ്പോഴഉം, EES താമസ കാലാവധി ട്രാക്ക് ചെയ്യുകയും അനധികൃത താമസം കണ്ടെത്തുകയും ചെയ്യും. ഇത് മാനുവൽ പാസ്‌പോർട്ട് മുദ്രകളുടെ ആവശ്യകത ഇല്ലാതാക്കും. ഇതുവഴി, നിയമങ്ങൾ പാലിക്കുന്നവർക്ക് യാത്ര സുഗമമാക്കുകയും, തട്ടിപ്പിനും തിരിച്ചറിയൽ ദുരുപയോഗത്തിനുമെതിരെ അധിക പരിശോധനകൾ തുടരുകയും ചെയ്യും.

Starting October 12, 2025, Schengen countries in Europe will implement a new Entry/Exit System (EES) at airports and border points. This digital system will record travelers' entry and exit dates, duration of stay, and other relevant information electronically, replacing the traditional passport stamping process. The EES aims to streamline border control, enhance security, and monitor immigration more effectively