കൊണ്ടോട്ടി: കാലിക്കറ്റ് സര്‍വകലാശാല ബി-സോണ്‍ ബാഡ്മിന്റണില്‍ കൊണ്ടോട്ടി ഇ.എം.ഇ.എ കോളജ് ചാമ്പ്യന്‍മാരായി. ഒന്നിനെതിരെ മൂന്ന് സെറ്റുകള്‍ക്ക് പെരിന്തല്‍മണ്ണ പി.ടി.എം കോളജിനെയാണ് പരാജയപെടുത്തിയത്. തുടര്‍ച്ചയായി നാലാം തവണയാണ് ബി. സോണ്‍ ബാഡ്മിന്റണില്‍ ഇ.എം.ഇ.എ കോളജ് ചാമ്പ്യന്‍മാരാകുന്നത്. പി.ടി ശിഹാബുദ്ധീന്‍ കൊട്ടപ്പുറം ആണ്  പരിശീലകന്‍. ഹക്കീല്‍ നാസീം, എന്‍. ജാബിര്‍, എം.കെ ജൈഷൂര്‍, നസീല്‍, ഷഹബാസ്, ഷിബിലി മുജീബ് എന്നിവരാണ് ടീം അംഗങ്ങള്‍. മലപ്പുറം പ്രിയദര്‍ശിനി ആര്‍ട്‌സ് ആന്‍ഡ് സയന്‍സ് കോളജില്‍ നടന്ന മല്‍സരത്തില്‍ 48 കോളജുകള്‍ പങ്കെടുത്തു.  ഇ.എം.ഇ.എ കോളജ് ടീം അംഗങ്ങള്‍ക്കും പരിശീലകനും കോളജില്‍ സ്വീകരണം നല്‍കി പ്രിന്‍സിപ്പല്‍ ഡോ. എം.പി അബ്ദുള്ള അധ്യക്ഷനായി. മാനേജര്‍ സി.പി മുഹമ്മദ് കുട്ടി ഉദ്ഘാടനം  ചെയ്തു. സ്റ്റാഫ് എഡിറ്റര്‍ പ്രൊഫ.വി. ഫുസൈന്‍, ഡോ. ടി.വി സക്കരിയ, സ്റ്റാഫ് സെക്രട്ടറി പ്രൊഫ. റസാഖ്, ഫൈനാര്‍ട്‌സ് ഡയറക്ടര്‍ ഡോ. ഹനീഫ, യൂനിയന്‍ അഡ്വൈസര്‍ .പൊ ഫ ജഹ്ഫര്‍ ഓടക്കല്‍, പ്രൊഫ. കെ.ടി ഫിറോസ്, കെ.എം ഇസ്മാഈല്‍, എന്‍.കെ നിഷാദ് എന്നിവര്‍ സംസാരിച്ചു.