കമ്പില്‍: ഉപഭോക്താക്കളെ ആകര്‍ഷിക്കുന്നതിനായി കൂടുതല്‍ സാധനം വാങ്ങുന്നവര്‍ക്ക് പ്രത്യേകം ഓഫറും ഇളവും നല്‍കുന്നതാണ് ഇപ്പോഴത്തെ പതിവ്. എന്നാല്‍ ഇതില്‍ നിന്നൊക്കെ വ്യത്യസ്തനാവുകയാണ് കമ്പില്‍ ടൗണില്‍ പച്ചക്കറി വില്‍പ്പനക്കാരനായ റഷീദ്. ഇവിടെ തുണിസഞ്ചിയുമായി സാധനം വാങ്ങാന്‍ വരുന്നവര്‍ക്കാണ് പ്രത്യേകം ഇളവ് അനുവദിക്കുന്നത്. ഇക്കാര്യം സൂചിപ്പിച്ചുകൊണ്ട് ഒരു ബോര്‍ഡും കടയുടെ മുന്നില്‍ സ്ഥാ            പിച്ചിട്ടുണ്ട്. പ്ലാസ്റ്റിക്കിന്റെ ഉപയോഗം കുറക്കാന്‍ ജനങ്ങളെ ബോധവല്‍ക്കരിക്കുകയെന്നതാണ് ഇതിലൂടെ ലക്ഷ്യമിടുന്നതെന്ന് പച്ചക്കറി ഹോള്‍സെയില്‍ കച്ചവടക്കാരനായ റഷീദ് പറഞ്ഞു.