ദേശീയപാത വികസന നിർമ്മാണം ഇന്ത്യയിലെ പ്രധാനപ്പെട്ട എല്ലാ സംസ്ഥാനങ്ങളിലും അവസാനഘട്ടത്തിലാണ്. പ്രധാന നഗരങ്ങളെ തമ്മിൽ ബന്ധിപ്പിക്കുന്ന ദേശീയപാതകളിൽ വാഹനം കാലെടുത്ത് വയ്ക്കുന്നത് മുതൽ യാത്രക്കാർക്ക് ഇപ്പോൾ നിരവധി സംശയങ്ങളാണ് ഉള്ളത്. ശരിയായ ദിശയിൽ കൂടെയാണോ സഞ്ചരിക്കുന്നത്, എത്ര കി.മീ ​വേ​ഗത്തിൽ വാഹനം ഓടിക്കണം, തുടങ്ങിയ കാര്യങ്ങളെല്ലാം സൂചനബോർഡുകളിൽ കൃതൃമായി അടയാളപ്പെടുത്തിയതിനാൽ അത് മനസ്സിലാക്കാൻ സാധിക്കും. പക്ഷേ പെട്ടെന്ന് ഒരു അപകടം സംഭവിച്ചാൽ എവിടെയാണ് ഒരു ഹോസ്പിറ്റൽ ഉള്ളത്, അല്ലെങ്കിൽ ഇനി എവിടെയാണ് ഭക്ഷണം കഴിക്കാൻ സൗകര്യം ഉള്ളത്, വാഹനം പഞ്ചറായൽ സർവീസ് എങ്ങനെ ലഭിക്കും തുടങ്ങിയ കാര്യങ്ങൾ പലർക്കും അറിയണമെന്നില്ല.

ALSO READ: ഭർത്താവിനോടൊപ്പം ചിലവഴിക്കാൻ സമയമില്ല: 3.27 കോടി രൂപ ശമ്പളമുള്ള ഗൂഗിളിലെ ജോലി ഉപേക്ഷിച്ച് 37 വയസ്സുകാരി  

എന്നാൽ ഈ പ്രതിസന്ധികൾക്ക് വേണ്ടി അതിവേഗ സൗകര്യം ഒരുക്കുകയാണ് ദേശീയ പാതാ അതോറിറ്റി (NHAI). രാജ്യത്തെ ഹൈവേകളുടെ വികസനത്തിനും പരിപാലനത്തിനും മേൽനോട്ടം വഹിക്കുന്നത് കൂടാതെ ടോൾ പിരിവുകളുടെ ചുമതല കൂടി നിർവഹിക്കുന്ന NHAI, ഇപ്പോൾ ഹൈവേ യാത്രക്കാർക്ക് അടിയന്തിര സഹായം ഉറപ്പാക്കാൻ ഒരു ഹൈടെക് പദ്ധതി അവതരിപ്പിക്കുകയാണ്.

ALSO READ: സെൽഫിക്ക് വേണ്ടി സുരക്ഷാ കയർ അഴിച്ചു; 5,500 അടി ഉയരത്തിലുള്ള മഞ്ഞുമലയിൽ നിന്ന് വീണ് ഹൈക്കർക്ക് ദാരുണാന്ത്യം 

ഹൈവേകളിൽ യാത്ര ചെയ്യവേ അപകടമോ വാഹന തകരാറോ ഉണ്ടായാൽ എവിടെനിന്ന് സഹായം തേടണമെന്നറിയാതെ വലയുന്നവർ നിരവധിയാണ്. ടോൾ ബൂത്തുകളിൽ അടിയന്തിര സേവനങ്ങൾ ലഭ്യമാണെങ്കിലും, ഇതേക്കുറിച്ച് പൊതുജനങ്ങൾക്കിടയിൽ വേണ്ടത്ര അവബോധം ഇല്ല. ഈ പ്രശ്നത്തിന് പരിഹാരമായി, ഹൈവേകളിൽ ക്യൂആർ കോഡുകൾ പതിപ്പിച്ച സൈൻബോർഡുകൾ സ്ഥാപിക്കാൻ ഒരുങ്ങുകയാണ്  NHAI.

ALSO READ: ചെറിയ പേയ്മെന്റുകൾക്ക് എന്തുകൊണ്ടാണ് ഗൂ​ഗിൾ പേ ലൈറ്റ് ഉപയോ​ഗിക്കുന്നത്?

യാത്രക്കാർക്ക് അത്യാവശ്യ വിവരങ്ങൾ ഈ ക്യൂആർ കോഡുകൾ സ്കാൻ ചെയ്യുന്നതിലൂടെ ലഭിക്കും. ഹൈവേയുടെ നമ്പർ, നീളം, ബന്ധിപ്പിക്കുന്ന സ്ഥലങ്ങൾ എന്നിവയ്‌ക്കൊപ്പം, അടിയന്തിര സാഹചര്യങ്ങളിൽ ബന്ധപ്പെടേണ്ട ഫോൺ നമ്പറുകളും ലഭ്യമാകും. വാഹനം അപകടത്തിൽപ്പെട്ടാലോ, ടയർ പഞ്ചറായാലോ, മറ്റേതെങ്കിലും തകരാർ മൂലം വഴിയിൽ കുടുങ്ങിയാലോ, ഈ ക്യൂആർ കോഡ് സ്കാൻ ചെയ്ത് സഹായം തേടാം. കൂടാതെ, അടുത്തുള്ള ആശുപത്രി, പെട്രോൾ പമ്പ്, ടോയ്‌ലറ്റ്, പൊലിസ് സ്റ്റേഷൻ, ഭക്ഷണശാല, പാർക്കിംഗ് സൗകര്യം, പഞ്ചർ ഷോപ്പ്, ഇവി ചാർജിംഗ് സ്റ്റേഷൻ എന്നിവയുടെ വിവരങ്ങളും ലഭിക്കും.

ALSO READ: എഐയെ ഗെയിംസ് പഠിപ്പിക്കാൻ വിദഗ്ധരെ തേടി ഇലോൺ മസ്ക്; മണിക്കൂറിന് 8,400 രൂപ വരെ ശമ്പളം; വീട്ടിലിരുന്ന് ജോലി ചെയ്യാനും അവസരം

നിലവിൽ, 'രാജ്മാർഗ് യാത്ര' എന്ന മൊബൈൽ ആപ്പിലാണ് ഈ വിവരങ്ങൾ ലഭ്യമാകുന്നത്. ഹൈവേ വിവരങ്ങൾ, തത്സമയ കാലാവസ്ഥാ അപ്‌ഡേറ്റുകൾ, സമീപ സൗകര്യങ്ങൾ, ഹൈവേ പ്രശ്നങ്ങൾ റിപ്പോർട്ട് ചെയ്യാനുള്ള സംവിധാനം, ഫാസ്ടാഗ് സേവനങ്ങൾ എന്നിവ ഈ ആപ്പിലൂടെ ലഭിക്കും. ആപ്പ് ഇല്ലാത്തവർക്ക് ഓൺലൈനായും ഈ വിവരങ്ങൾ പരിശോധിക്കാം.

ക്യൂആർ കോഡ് സൈൻബോർഡുകൾ സ്ഥാപിക്കുന്നത് യാത്രക്കാർക്ക് വലിയ ആശ്വാസമാകും. രാത്രികാലങ്ങളിൽ ഹൈവേകളിൽ കുടുങ്ങുമ്പോൾ, ഗൂഗിൾ മാപ്പ് തിരഞ്ഞ് അപകടത്തിൽ ചെന്നുപെട്ട ഒട്ടനവധി സംഭവങ്ങൾ ഉണ്ടായിട്ടുണ്ട്. നേരിട്ട് ജനങ്ങൾക്ക് ആത്മവിശ്വാസത്തോടെ സഹായം തേടാൻ അവസരമൊരുക്കുന്നതാണ് NHAI നൽകുന്ന ഈ സേവനം. ഈ പദ്ധതി എപ്പോൾ നടപ്പാകുമെന്ന് വ്യക്തമല്ലെങ്കിലും, ഹൈവേകളിൽ ക്യൂആർ കോഡ് ബോർഡുകൾ ഉടൻ സ്ഥാപിക്കപ്പെടുമെന്നാണ് പ്രതീക്ഷ.

ALSO READ: വീഡിയോ എഡിറ്റിംഗിന് ഇനി ലാപ്ടോപ്പ് തന്നെ വേണമെന്നില്ല : അഡോബ് പ്രീമിയർ മൊബൈൽ ആപ്ലിക്കേഷൻ ഇപ്പോൾ ഐഫോണിൽ സൗജന്യം

ടെക്‌നോളജിയുടെ കുതിപ്പിനൊപ്പം സർക്കാർ സ്മാർട്ട് പദ്ധതികൾ ആവിഷ്കരിക്കുന്നത് സ്വാഗതാർഹമാണ്. എന്നാൽ, പൊതുസ്വത്ത് നശിപ്പിക്കുന്നവരിൽ നിന്ന് ഈ ബോർഡുകൾ സംരക്ഷിക്കേണ്ട ഉത്തരവാദിത്തവും അധികാരികൾക്കുണ്ട്.

The National Highway Authority of India (NHAI) is introducing QR code signboards on highways to assist travelers. Scanning these codes provides critical information like highway details, emergency contact numbers, and locations of nearby hospitals, petrol pumps, police stations, and more. The initiative, also accessible via the Rajmarg Yatra app, aims to ensure quick help for those stranded or facing emergencies, enhancing safety and convenience on India’s highways.