കൊല്ലം: കേര ഗവേഷണം നൂറാം വാര്‍ഷികത്തിന്റെ  ജില്ലാതല ഉദ്ഘാടനം ഇന്ന് നടക്കും. രാവിലെ 9.30ന് കലക്‌ട്രേറ്റ് വളപ്പില്‍ തെങ്ങിന്‍തൈ നട്ടുകൊണ്ട് ജില്ലാ കലക്ടര്‍ മിത്ര റ്റി ഉദ്ഘാടനം നിര്‍വഹിക്കും.
ജില്ലയിലെ മുഴുവന്‍ വില്ലേജ് ഓഫിസുകളിലും ഈ സമയം തെങ്ങിന്‍തൈ നടും. 1916 ല്‍ ആരംഭിച്ച  പീലിക്കോട്, നീലേശ്വരം കാര്‍ഷിക ഗവേഷണ കേന്ദ്രം, പടന്നക്കാട് തോട്ടം എന്നിവയുടെ ശാതാബ്ദി ആഘോഷങ്ങളുടെ ഭാഗമായാണ് ചടങ്ങ് നടക്കുന്നത്.
തിരുവനന്തപുരത്ത് സെക്രട്ടേറിയേറ്റ് വളപ്പില്‍ മുഖ്യമന്ത്രി പിണറായി വിജയന്‍ കേരശ്രീ സങ്കരയിനം തെങ്ങിന്‍തൈ നട്ടുകൊണ്ട് സംസ്ഥാനതല ഉദ്ഘാടനം നിര്‍വഹിക്കും.