വാഷിങ്ടണ്‍: പ്രധാനമന്ത്രി നരേന്ദ്ര മോദിയും അമേരിക്കന്‍ പ്രസിഡന്റ് ബറാക് ഒബാമയും ലാവോസില്‍ നടക്കുന്ന ആസിയാന്‍ ഉച്ചകോടിക്കിടെ കൂടിക്കാഴ്ച നടത്തും. ഇന്ന് ഉച്ചയ്ക്ക ശേഷം ഇരുവരുമായി കൂടിക്കാഴ്ച്ച നടത്തുമെന്ന് വൈറ്റ് ഹൗസ് ഔദ്യോഗിക വൃത്തങ്ങളാണ് അറിയിച്ചത്.

കഴിഞ്ഞ രണ്ട് വര്‍ഷത്തിനിടെ മോദി ഒബാമയുമായി നടത്തുന്ന എട്ടാമത് കൂടിക്കാഴ്ചയാണ് ഇന്ന് നടക്കുക. മോദിയുമായുള്ള കൂടിക്കാഴ്ചയ്ക്കുശേഷം ഒബാമ മാധ്യമങ്ങളെ കാണും.

ഇന്നു നടക്കുന്ന 14-ാമത് ആസിയാന്‍ (അസോസിയേഷന്‍ ഓഫ് സൗത്ത്ഈസ്റ്റ് നേഷന്‍സ്) ഉച്ചകോടിക്കായി ഇന്നലെയാണ് മോദി ലാവോസിലെത്തിയത്. ഇന്തോനേഷ്യ, മലേഷ്യ, ഫിലിപ്പീന്‍സ്, സിംഗപുര്‍, ബ്രൂണെ, കംബോഡിയ, ലാവോസ്, മ്യാന്‍മാര്‍, വിയറ്റ്‌നാം, തായ്‌ലന്‍ഡ് എന്നീ രാഷ്ട്രത്തലവന്മാരാണ് ആസിയാന്‍ ഉച്ചകോടിയില്‍ പങ്കെടുക്കുക.