തളിപ്പറമ്പ്: കരിമ്പം വെള്ളാരം പാറ റോഡരികില്‍ ഇന്നലെ രാവിലെ കണ്ടെത്തിയ ബോംബെന്നു തോന്നിക്കുന്ന വസ്തു പരിഭ്രാന്തി പരത്തി.
പ്രത്യേക ചിഹ്നം പതിപ്പിച്ച് നട്ടും ബോള്‍ട്ടുമിട്ട് ഉറപ്പിച്ച നിലയിലുള്ള സ്റ്റീല്‍ പാത്രമായിരുന്നു കണ്ടെത്തിയത്. നാട്ടുകാര്‍ വിവരമറിയിച്ചതിനെത്തുടര്‍ന്ന് സ്ഥലത്തെത്തിയ പൊലിസ് നടത്തിയ പരിശോധനയില്‍ ഇതു വെറും പാത്രമാണെന്ന് കണ്ടെത്തുകയായിരുന്നു. ഓട്ടോറിക്ഷകളിലും മറ്റും മോടി കൂട്ടുന്നതിനായി ഇത്തരം പാത്രങ്ങള്‍ ഘടിപ്പിക്കാറുണ്ട്. ഏതെങ്കിലും വാഹനത്തില്‍ നിന്നു ഊരിത്തെറിച്ചതാവാം എന്നു കരുതുന്നു. ജനങ്ങളില്‍ പരിഭ്രാന്തി സൃഷ്ടിക്കാന്‍ ആരെങ്കിലും മനഃപൂര്‍വം ചെയ്ത പ്രവര്‍ത്തിയാകാനുള്ള സാധ്യതയും പൊലിസ് തള്ളിക്കളയുന്നില്ല.