തൃശൂർ: നിരവധി ക്രിമിനൽ കേസുകളിലും മോഷണക്കേസുകളിലും പ്രതിയായ കുപ്രസിദ്ധ മോഷ്ടാവ് ബാലമുരുകൻ പൊലിസ് കസ്റ്റഡിയിൽ നിന്ന് രക്ഷപ്പെട്ടു. വിയ്യൂർ സെൻട്രൽ ജയിലിലെ തടവുകാരനായിരുന്നു ഇയാൾ.

തമിഴ്നാട്ടിലെ ഒരു കേസുമായി ബന്ധപ്പെട്ട് അവിടുത്തെ പൊലിസിന് കൈമാറിയ ബാലമുരുകനെ തിരികെ വിയ്യൂർ ജയിലിൽ എത്തിക്കുന്നതിനിടെ വിയ്യൂർ സെൻട്രൽ ജയിലിൻ്റെ പരിസരത്ത് നിന്ന് തിങ്കളാഴ്ച രാത്രി 9.45-ഓടെയാണ് സംഭവം.ജയിലിന് അടുത്ത് വെച്ച് ഇയാൾ മൂത്രമൊഴിക്കണമെന്ന് ആവശ്യപ്പെട്ടു. ഇതിനായി പൊലിസ് വാഹനം നിർത്തിയപ്പോൾ പൊലിസുകാരെ കബളിപ്പിച്ച് അടുത്തുള്ള മതിൽ ചാടി രക്ഷപ്പെടുകയായിരുന്നു.

കേരളത്തിലും തമിഴ്‌നാട്ടിലുമായി 53 കേസുകളിലെ പ്രതിയാണ് ബാലമുരുകൻ.പ്രതിക്കായി തൃശൂർ നഗരത്തിൽ പൊലിസ് വ്യാപകമായ പരിശോധന നടത്തുകയാണ്.