മനാമ: ബഹ്‌റൈനില്‍ നാല് വയസ്സുകാരനായ ഹസന്‍ അല്‍ മഹരി സ്‌കൂള്‍ ബസ്സില്‍ മരിച്ച സംഭവത്തിലെ പ്രതിക്ക് മാപ്പ് നല്‍കി കുട്ടിയുടെ ഉമ്മ. കേസിലെ പ്രതിയായ 40 വയസ്സുള്ള യുവതിക്ക് മാപ്പ് നല്‍കിയതായി കുട്ടിയുടെ ഉമ്മ കോടതിയെ അറിയിച്ചു. വിചാരണയ്ക്കിടെ കുട്ടിയുടെ മാതാപിതാക്കള്‍ക്ക് വേണ്ടി ഹാജരായ ബന്ധുവാണ് യുവതിയോട് ക്ഷമിച്ചതായി അറിയിച്ചത്. പ്രതിയോട് ക്ഷമിക്കാനും അവര്‍ക്കെതിരെ ചുമത്തിയ എല്ലാ കുറ്റങ്ങളും ഉപേക്ഷിക്കാനും കുട്ടിയുടെ മാതാവ് ആഗ്രഹിക്കുന്നുവെന്ന് ബന്ധു അറിയിച്ചു. മരണത്തില്‍ ദുരുദ്ദേശ്യമില്ലെന്നും അതൊരു ദാരുണമായ സംഭവമാണെന്നും കുടുംബം മനസ്സിലാക്കുന്നതായും ബന്ധു കോടതിയെ അറിയിച്ചു. 

അതേസമയം, ഹസന്റെ മരണത്തിന് കാരണക്കാരന്‍ താനാണെന്ന് കോടതി മുമ്പാകെ സമ്മതിച്ച യുവതി, മതിയായ പെര്‍മിറ്റ് ഇല്ലാതെ വിദ്യാര്‍ത്ഥികളെ സ്‌കൂളിലേക്കും തിരിച്ചും കൊണ്ടുപോയിരുന്നുവെന്നും യുവതി മൊഴി നല്‍കുകുയണ്ടായി. മൂന്ന് കുട്ടികളുടെ മാതാവായ പ്രതിയുടെ ഭര്‍ത്താവ് വര്‍ഷങ്ങളായി സൗദി അറേബ്യയില്‍ ജയിലിലാണ്. 

ഹമദ് സിറ്റിയില്‍ കഴിഞ്ഞമാസമാണ് സംഭവം. മണിക്കൂറുകളോളം വാഹനത്തിനുള്ളില്‍ കുടുങ്ങിയ കുട്ടി ചൂട് മൂലമുണ്ടായ തളര്‍ച്ചമൂലമാണ് കുട്ടി മരിച്ചതെന്നാണ് വിവരം. സ്‌കൂള്‍ ഗതാഗതത്തിന് ഔദ്യോഗിക അനുമതിയില്ലാത്ത വാഹനത്തിലാണ് കുട്ടി മണിക്കൂറുകളോളം അകപ്പെട്ടത്.

കിന്റര്‍ഗാര്‍ട്ടനിലേക്കുള്ള യാത്രക്കിടെ ഹസന്‍ വാഹനത്തില്‍ ഉറങ്ങിപ്പോയി. മറ്റു കുട്ടികളെല്ലാം വാഹനത്തില്‍ നിന്നിറങ്ങിയപ്പോള്‍, ഡ്രൈവറുടെ ശ്രദ്ധയില്‍പെടാതെ ഹസന്‍ ഉള്ളില്‍ത്തന്നെ കിടന്നുറങ്ങി. വായു കടക്കാത്ത രീതിയില്‍ ലാഹനത്തിന്റെ ഡോറുകളെല്ലാം അടച്ചിട്ടതിനാല്‍ മണിക്കൂറുകളോളം നേരമാണ് കുട്ടി വാഹനത്തിനുള്ളില്‍ പെട്ടത്. പിന്നീട് ക്ലാസ് കഴിഞ്ഞ് മടക്കയാത്രക്ക് കുട്ടികളെ ഒരുക്കുന്നതിനിടെ ജീവനക്കാര്‍ ഹസനെ കാണാത്തതിനെക്കുറിച്ച് അന്വേഷിച്ചപ്പോഴാണ് സംഭവം പുറത്തറിഞ്ഞത്. തിരച്ചിലില്‍ വാഹനത്തിനുള്ളില്‍ അബോധാവസ്ഥയില്‍ കണ്ടെത്തിയ കുട്ടിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

ALSO READ: വെറും അഞ്ച് മിനിറ്റിനുള്ളില്‍ കുവൈത്ത് വിസ റെഡി; വികസനത്തിലും സുരക്ഷയിലും പുതിയൊരു ഘട്ടത്തിലേക്കെന്ന് ഷെയ്ഖ് ഫഹദ്

A grieving Bahraini mother has ‘forgiven’ the woman whose alleged negligence led to the death of her four-year-old son after he was forgotten in a vehicle for hours in Hamad City of Bahrain. Last week, the 40-year-old Bahraini accused, a single mother-of-three, admitted in the High Criminal Court to causing the death of Hassan Al Mahari who fell asleep in the woman’s car on the morning trip to his kindergarten in Demistan .