ബെയ്ജിങ്: തെക്കുപടിഞ്ഞാറന്‍ ചൈനയിലെ സിചുവാന്‍ പ്രവിശ്യയില്‍ ഏതാനും മാസങ്ങള്‍ക്ക് മുന്നേ ഉദ്ഘാടനം ചെയ്ത പാലം തകര്‍ന്നുവീണു. രാജ്യത്തെ എന്‍ജീനീയറിങ് മികവിന്റെ പ്രതീകമായി കണക്കാക്കിയിരുന്ന ഹോങ്കി പാലമാണ് നദിയിലേക്ക് തകര്‍ന്നുവീണത്. 

ചൈനയുടെ ഹൃദയഭൂമിയായ സിചുവാനിലിനെ ടിബറ്റുമായി ബന്ധിപ്പിക്കുന്ന ദേശീയപാതയിലാണ് പാലം നിര്‍മിച്ചിരുന്നത്. അപകടത്തില്‍ ആളപായമൊന്നും റിപ്പോര്‍ട്ട് ചെയ്യപ്പെട്ടിട്ടില്ല. 

പാലത്തിന് സമീപത്തെ റോഡുകളിലും ചരിവുകളിലും വിള്ളലുകള്‍ കണ്ടതിനെ തുടര്‍ന്ന് അപകടസാധ്യത കണക്കിലെടുത്ത് ഹോങ്കി പാലം തിങ്കളാഴ്ച്ച മുതല്‍ അടച്ചിട്ടിരിക്കുകയായിരുന്നു. ചൊവ്വാഴ്ച്ച ഉച്ചകഴിഞ്ഞ് 3 മണിയോടെയാണ് ബാര്‍കം കൗണ്ടിയിലെ ജലവൈദ്യുത നിലയത്തിന് സമീപം സ്ഥിതി ചെയ്തിരുന്ന പാലം തകര്‍ന്നത്. പാലം തകര്‍ന്നുവീഴുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. 

ALSO READ: ന്യൂയോർക്ക് സിറ്റി മുംബൈയെപ്പോലെ അഴിമതിയുടെയും അസൗകര്യങ്ങളുടെയും പിടിയിൽ അകപ്പെടും; മംദാനിയുടെ ഭരണത്തെ വിമർശിച്ച് ശതകോടീശ്വരൻ

പാലത്തിന്റെ അടിത്തറയിലേക്ക് ശക്തമായ മണ്ണിടിച്ചിലുണ്ടാവുകയും തുടര്‍ന്ന് പാലത്തിന്റെ ഒരു ഭാഗം  നദിയിലേക്ക് തകര്‍ന്നു വീഴുന്നതും ദൃശ്യങ്ങളില്‍ കാണാം. സംഭവത്തില്‍ അന്വേഷണം ആരംഭിച്ചിട്ടുണ്ട്. 

758 മീറ്റര്‍ നീളമുള്ള പാലം മലയിടുക്കിന്റെ തറയില്‍ നിന്ന് ഏകദേശം 625 മീറ്റര്‍ ഉയരത്തിലാണ് നിര്‍മിച്ചിരിക്കുന്നത്. ഈ വര്‍ഷം ആദ്യമാണ് പാലത്തിന്റെ നിര്‍മാണം പൂര്‍ത്തിയായത്.

English Summar: y The Hongqi Bridge in Sichuan Province, southwest China, which was recently inaugurated and celebrated as a symbol of the nation’s engineering excellence, has collapsed into a river. The bridge, part of a key national highway connecting Sichuan and Tibet, gave way on Tuesday afternoon near Barkam County, close to a hydropower station.