അബൂദബി: യുഎഇയിലെ കൊറിയൻ ആരാധകർക്കിതാ ഒരു സന്തോഷവാർത്ത. യുഎഇയും ദക്ഷിണ കൊറിയയും ചേർന്ന് രാജ്യത്ത് ഒരു 'കെ-സിറ്റി' (K-City) നിർമ്മിക്കാൻ തീരുമാനിച്ചു. ഇന്നലെ (2025 നവംബർ 18) നടന്ന യുഎഇ - ദക്ഷിണ കൊറിയൻ പ്രസിഡന്റുമാരുടെ കൂടിക്കാഴ്ചയിലാണ് ഈ പ്രഖ്യാപനം ഉണ്ടായത്.

യുഎഇയിലെ 'കെ-സിറ്റി' 

കൊറിയൻ സംസ്കാരം, ഭക്ഷണം, ബിസിനസ് തുടങ്ങിയവയെല്ലാം ഒരൊറ്റ കുടക്കീഴിൽ ലഭിക്കുന്ന ഒരു കേന്ദ്രമായിരിക്കും ഇത്. വിദേശകാര്യ മന്ത്രാലയം (MoFA) വ്യക്തമാക്കിയത് പ്രകാരം ദക്ഷിണ കൊറിയയുമായുള്ള സാംസ്കാരിക ബന്ധങ്ങളുടെ മിഡിൽ ഈസ്റ്റിലെ പ്രധാന കേന്ദ്രമായി യുഎഇയെ മാറ്റുകയാണ് ഇതിലൂടെ ലക്ഷ്യമിടുന്നത്.

ALSO READ: ശബ്ദമലിനീകരണം തടയാൻ ദുബൈയിൽ പുതിയ 'നോയിസ് റഡാറുകൾ'; നിയമലംഘകർക്ക് 2000 ദിർഹം പിഴ

പദ്ധതിയുടെ പശ്ചാത്തലം:

സാധാരണയായി ഹാലിയു (Hallyu) എന്നറിയപ്പെടുന്ന കൊറിയൻ തരംഗത്തിന് യുഎഇയിലെ ജനങ്ങൾക്കിടയിൽ, പ്രത്യേകിച്ച് യുവാക്കൾക്കിടയിൽ വലിയ സ്വീകാര്യതയാണുള്ളത്. കെ-പോപ്പ്, കെ-ഡ്രാമ എന്നിവയ്ക്ക് ഇവിടെ ആരാധകരേറെയാണ്. പ്രശസ്തരായ പല കൊറിയൻ താരങ്ങളും യുഎഇ സന്ദർശിക്കാറുണ്ട്.

അതേസമയം, കൊറിയൻ റെസ്റ്റോറന്റുകൾക്കും കൊറിയൻ സൗന്ദര്യവർദ്ധക വസ്തുക്കൾക്കും (K-beauty products) വലിയ ഡിമാൻഡാണ് യുഎഇയിലുള്ളത്. മാത്രമല്ല, സർക്കാർ മന്ത്രാലയങ്ങളും വിവിധ സ്വകാര്യ കമ്പനികളും അടക്കം പങ്കെടുത്ത മിഡിൽ ഈസ്റ്റിലെ തന്നെ ഏറ്റവും വലിയ 'കെ-കണ്ടന്റ് എക്സ്പോ' (K-content expo) ഈ മാസം ദുബൈയിൽ വച്ച് നടന്നിരുന്നു.

ഇരു രാജ്യങ്ങളിലെയും ജനങ്ങൾ തമ്മിലുള്ള ബന്ധം കൂടുതൽ ശക്തമാക്കാനും സാംസ്കാരിക കൈമാറ്റത്തിനും ഈ പദ്ധതി സഹായിക്കുമെന്നാണ് വിലയിരുത്തപ്പെടുന്നത്.

The United Arab Emirates (UAE) and South Korea have announced plans to establish a 'K-City' in the UAE, a hub for K-Culture, K-Food, business, innovative companies, and talented human resources. This initiative aims to combine the strengths of both countries and create synergies in various fields, including culture, technology, and economy.