കരുളായി: പഞ്ചായത്തിലെ സാക്ഷരതാ ദിനാചരണം ഇത്തവണ നടന്നത് വനവാസികള്‍ക്കൊപ്പം. കരുളായി വനത്തിനുള്ളിലെ നെടുങ്കയം ആദിവാസി കോളനിയിലെ സാക്ഷരതാ പഠിതാകള്‍ക്കൊപ്പമാണ് ദിനാചരണം സംഘടിപ്പിച്ചത്.
സന്‍സദ് ആദര്‍ശ് ഗ്രാമ യോജനയും ജന്‍ ശിക്ഷണ്‍ സന്‍സ്ഥാനും കരുളായി പഞ്ചായത്തും സംയുക്തമായാണ് സാക്ഷരതാ ദിനാചരണം ആഘോഷിച്ചത്. ദിനാചരണം കരുളായി പഞ്ചായത്ത് പ്രസിഡന്റ് വി.അസൈനാര്‍ ഉദ്ഘാടനം ചെയ്തു.
തുല്യതയിലും സാക്ഷരതയിലുമായി നെടുങ്കയം കോളനിയില്‍ നിന്ന് 90 പഠിതാക്കളാണുള്ളത്. വാര്‍ഡ് മെമ്പര്‍ ലിസി അധ്യക്ഷയായി.
വൈസ് പ്രസിഡന്റ് കെ.ഷെരീഫ, പഞ്ചായത്ത് വിദ്യാഭ്യാസ സ്ഥിരംസമിതി അധ്യക്ഷന്‍ കെ.മനോജ്, ഷീബ പൂഴിക്കുത്ത്, കദീജ ഉസ്മാന്‍, ഉഷ കൊളത്തൂര്‍, കെ.പി ഷറഫുദ്ദീന്‍, പി.പി ഖദീജ, സി.ദീപ, എ.പി ഫൈസല്‍, മൂപ്പന്‍ ശിവരാജന്‍, എന്‍.കെ സുനില്‍ സംസാരിച്ചു.