ദുബൈ: യുഎയില്‍ എ.ഐ ഉപയോഗം വര്‍ധിച്ചുവരികയാണെന്ന് റിപോര്‍ട്ടുകള്‍. കഴിഞ്ഞ വര്‍ഷത്തിനിടെ രാജ്യത്തെ എഐ ഉപയോക്താക്കളുടെ എണ്ണം മൂന്നിരട്ടിയായി വര്‍ധിച്ചതായി ഓപ്പണ്‍ എഐ റിപ്പോര്‍ട്ട്. യുഎഇയില്‍ 18 വയസിനും 24 വയസിനും ഇടയിലുള്ളവരില്‍ ഏകദേശം 60 ശതമാനം പേരും 25 വയസിനും 34 വയസിനും ഇടയിലുള്ളവരില്‍ പകുതിയും ചാറ്റ്ജിപിടി ഉപയോഗിക്കുന്നവരാണ്.

എഐ ഉപയോഗത്തിലെ വര്‍ധനവ് കണക്കാക്കി രാജ്യത്തിനുള്ളില്‍ ഡാറ്റ വിപുലീകരിക്കാന്‍ തീരുമാനിച്ചിരിക്കുകയാണ് ഓപ്പണ്‍ എഐ ചാറ്റ്ജിപിടി എന്റര്‍പ്രൈസ്, ചാറ്റ്ജിപിടി എഡ്യൂ, ഓപ്പണ്‍എഐയുടെ എപിഐ പ്ലാറ്റ്‌ഫോം എന്നിവ ഉപയോഗിക്കുന്ന സ്ഥാപനങ്ങള്‍ക്ക് ഇപ്പോള്‍ ഈ പുതിയ ഫീച്ചര്‍ ലഭ്യമാണ്.

ഇതിലൂടെ ബിസിനസ്, പൊതുമേഖലാ, വിദ്യാഭ്യാസ സ്ഥാപനങ്ങള്‍ക്ക് നൂതന സംവിധാനങ്ങള്‍ ഉപയോഗിക്കാന്‍ സാധിക്കും. ഇത് രാജ്യത്തെ സുസ്ഥിര വളര്‍ച്ചയ്ക്ക് സഹായിക്കും.

ALSO READ: ദുബൈയിൽ 'നഷ്ടപ്പെട്ട വസ്തുക്കൾ' കൈകാര്യം ചെയ്യാൻ പുതിയ നിയമം; കണ്ടെത്തുന്നവർക്ക് പ്രതിഫലം, നിയമലംഘകർക്ക് വൻ പിഴ

യുഎഇ വിഷന്‍ 2031ന് കീഴില്‍ ഉല്‍പ്പാദനക്ഷമത, ഗവേഷണം, ദേശീയ വികസനം എന്നിവയെ പിന്തുണയ്ക്കുന്നതിനായി ഏ42, മുബദാല, അബൂദബി ഇന്‍വെസ്റ്റ്‌മെന്റ് കൗണ്‍സില്‍, അല്‍ദാര്‍, MBZUAI, ഖലീഫ യൂണിവേഴ്‌സിറ്റി, NYU അബൂദബി, ഹയര്‍ കോളേജുകള്‍ ഓഫ് ടെക്‌നോളജി, യുണൈറ്റഡ് അറബ് എമിറേറ്റ്‌സ് യൂണിവേഴ്‌സിറ്റി, ടാബി എന്നിവയുള്‍പ്പെടെയുള്ള യുഎഇ സ്ഥാപനങ്ങള്‍ ഓപ്പണ്‍ എഐ സാങ്കേതികവിദ്യകള്‍ ഉപയോഗപ്പെടുത്തുന്നുണ്ട്.

യുഎഇയുടെ പുതിയ എഐ ടാറ്റ റെസിഡന്‍സി പ്രോഗ്രാമിലൂടെ അതിശയകരമായ വളര്‍ച്ചയാണ് രാജ്യത്ത് ഉണ്ടാവുകയെന്ന് ഓപ്പണ്‍എഐ മെനയുടെ എന്റര്‍പ്രൈസ് മേധാവി ഫാറൂഖ് എല്‍ ഹംസാവി പറഞ്ഞു. കൂടാതെ പുതിയ ഡാറ്ററെസിഡന്‍സി ഓപ്ഷന്‍ സ്ഥാപനങ്ങള്‍ക്ക് കൂടുതല്‍ ആത്മവിശ്വാസം നല്‍കുന്നുവെന്നും അദ്ദേഹം കൂട്ടിച്ചേര്‍ത്തു.

യുഎഇ ഡാറ്റ റെസിഡന്‍സിലൂടെ ട്രാന്‍സിറ്റ് ഡാറ്റയുടെ എന്‍ക്രിപ്ഷന്‍, API ഉപഭോക്തൃ ഡാറ്റയുടെ ഡിഫോള്‍ട്ട് ഒഴിവാക്കല്‍ തുടങ്ങി സുരക്ഷാ കാര്യങ്ങള്‍ ഉയര്‍ത്തിപ്പിടിക്കാന്‍ സാധിക്കുമെന്ന് ഓപ്പണ്‍ എഐ പറഞ്ഞു.

The United Arab Emirates (UAE) is witnessing a surge in AI adoption, with OpenAI introducing a local data residency option for businesses and institutions. This move allows organizations to store their data within the country's borders, ensuring compliance with national governance standards and sector-specific regulations.