ഫുട്ബോളിൽ കളിക്കളത്തിൽ ഒരുപിടി മികച്ച താരങ്ങൾക്കൊപ്പം കളിച്ച അനുഭവ സമ്പത്തുള്ള താരമാണ് ബ്രസീലിയൻ താരം മാഴ്‌സെലോ. ഇപ്പോൾ കളിക്കളത്തിൽ താൻ ഒരുമിച്ച് കളിച്ചിട്ടുള്ള താരങ്ങളിൽ ഏറ്റവും മികച്ച താരമാരാണെന്ന് പറയുകയാണ് മാഴ്‌സെലോ. റയൽ മാഡ്രിഡിൽ കളിക്കുന്ന സമയങ്ങളിൽ തന്റെ സഹതാരമായിരുന്ന ക്രിസ്റ്റ്യാനോ റൊണാൾഡോയെയാണ് മാഴ്‌സെലോ ഏറ്റവും മികച്ച താരമായി തെരഞ്ഞെടുത്തത്. മാഡ്രിഡ് എക്സ്ട്രസിലൂടെ സംസാരിക്കുകയായിരുന്നു ബ്രസീലിയൻ താരം. 

'ഞാൻ റൊണാൾഡീഞ്ഞോ, റൊണാൾഡോ നസാരിയോ എന്നീ താരങ്ങൾക്കൊപ്പം കളിച്ചിട്ടുണ്ട്. എന്നാൽ ഞാൻ ഇതുവരെ കളിച്ചിട്ടുള്ളവരിൽ ഏറ്റവും മികച്ച കളിക്കാരൻ ക്രിസ്റ്റ്യാനോ റൊണാൾഡോയാണ്,' മാഴ്‌സെലോ മാഡ്രിഡ് എക്സ്ട്രസിലൂടെ പറഞ്ഞു.

റയൽ മാഡ്രിഡിനായി 2007 മുതൽ 2022 വരെയാണ് മാഴ്സലൊ ബൂട്ട് കെട്ടിയത്. റയലിനൊപ്പം 25 കിരീടങ്ങളാണ് ബ്രസീലിയൻ താരം നേടിയത്. റൊണാൾഡോയും മാഴ്സലൊയും നീണ്ട വർഷക്കാലം റയൽ മാഡ്രിഡിനൊപ്പം അവിസ്‌മരണീയമായ ഒരു ഫുട്ബോൾ യാത്രയാണ് നടത്തിയത്. റൊണാൾഡോക്കൊപ്പം 332 മത്സരത്തിലാണ് മാഴ്സലൊ കളത്തിലിറങ്ങിയത്. ഇതിൽ 25 അസിസ്റ്റുകൾ റൊണാൾഡോക്ക്‌ നൽകാൻ ബ്രസീലിയൻ താരത്തിന് സാധിച്ചു. 

റൊണാൾഡോ റയൽ മാഡ്രിഡിന്റെ ഫുട്ബോൾ ചരിത്രത്തിലെ എക്കാലത്തെയും മികച്ച ഗോൾ വേട്ടക്കാരനാണ്.. റയലിനായി 438 മത്സരങ്ങളിൽ നിന്നും 450 ഗോളുകളും 131 അസിസ്റ്റുകളുമാണ്‌ റൊണാൾഡോ നേടിയിട്ടുള്ളത്. മാത്രമല്ല 16 ട്രോഫികളും റയലിനൊപ്പം താരം സ്വന്തമാക്കിയിട്ടുണ്ട്.

നിലവിൽ റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. 

Brazilian star Marcelo is a player with a wealth of experience in football, having played with a handful of great players. Marcelo now says that they are the best players he has ever played with on the field. Marcelo chose Cristiano Ronaldo, his teammate during his time playing at Real Madrid, as the best player.