തിരുവനന്തപുരം: രണ്ടര വയസുകാരിയുടെ മരണത്തില്‍ ചികിത്സാപിഴവ് ആരോപണം നിഷേധിച്ച് കാട്ടാക്കട മമ്മല്‍ ആശുപത്രി. കുട്ടിയുടെ മരണത്തില്‍ ചികിത്സ പിഴവ് ഉണ്ടായിട്ടില്ലെന്നും ജീവന്‍ രക്ഷിക്കാനാവശ്യമായ എല്ലാ ചികിത്സയും അടിയന്തരമായി നല്‍കിയിരുന്നെന്നും ആശുപത്രി അധികൃതര്‍ വാര്‍ത്താസമ്മേളനത്തില്‍ പറഞ്ഞു. 

19ന് കുട്ടിയെ ആശുപത്രിയില്‍ എത്തിച്ചപ്പോള്‍ ന്യൂമോണിയ സൂചിപ്പിക്കുന്ന ലക്ഷണങ്ങള്‍ ഉണ്ടായിരുന്നു. എസ്എടി ആശുപത്രിയിലേക്ക് കുട്ടിയെ കൊണ്ടുപോകാന്‍ നിര്‍ദേശിച്ചിരുന്നുവെന്നും ആശുപത്രി അധികൃതര്‍ പറഞ്ഞു. 

ALSO READ: കോഴിക്കോട് വലിയങ്ങാടിയില്‍ വീണ്ടും അപകടം; കെട്ടിടത്തിന്റെ കോണ്‍ക്രീറ്റ് സ്ലാബ് തകര്‍ന്നുവീണു 

22ന് ഗുരുതര ശ്വാസതടസത്തോടെ കുഞ്ഞിനെ വീണ്ടും ആശുപത്രിയില്‍ എത്തിച്ചു. കുഞ്ഞിന് നല്ല കഫക്കെട്ട് ഉണ്ടായിരുന്നു. അന്ന് നടത്തിയത് രക്തസാമ്പിള്‍ എടുക്കാനുള്ള കുത്തിവയ്പ്പാണ്. നെബുലൈസേഷനും നടത്തി. ചികിത്സയ്ക്കിടെ കുട്ടിക്ക് ഹൃദയസ്തംഭനം ഉണ്ടായി. അടിയന്തര ചികിത്സയ്ക്കായി അഡ്രിനലിന്‍ കുത്തിവച്ചു. കുട്ടിക്ക് ഹൃദയസ്തംഭനം ഉണ്ടായതായി ബന്ധുക്കളെ അറിയിച്ചിരുന്നു. കുഞ്ഞിനെ നെയ്യാര്‍ മെഡ്‌സിറ്റിയില്‍ എത്തിക്കുമ്പോള്‍ ജീവന്‍ ഉണ്ടായിരുന്നുവെന്നും അവിടെ പരിശോധനകള്‍ക്കിടെയാണ് ഹൃദയസ്തംഭനം ഉണ്ടാകുന്നതെന്നും മമ്മല്‍ ആശുപത്രി സൂപ്രണ്ട് ഡോ. ശിവകുമാരി പറഞ്ഞു. 

Hospital authorities stated at a press conference that there was no treatment lapse in the child’s death and that all necessary emergency medical care required to save the child’s life had been provided promptly.