മനാമ: രാജ്യത്തെ ബാങ്കുകളിലോ ധനകാര്യ സ്ഥാപനങ്ങളിലോ ഉള്ള സാമ്പത്തിക കുടിശ്ശിക തീർക്കാതെ വിദേശ നിക്ഷേപകരും വാണിജ്യ രജിസ്ട്രേഷൻ (CR) ഉടമകളും ഫ്ലെക്സി വിസ സംവിധാനത്തിന് കീഴിലുള്ള തൊഴിലാളികളും രാജ്യം വിടുന്നത് തടയുന്നതിനായി കർശന നിയമപരമായ നിയന്ത്രണങ്ങൾ ഏർപ്പെടുത്തണമെന്ന് ബഹ്‌റൈൻ എംപിമാർ.

പ്രശ്നം പരിഹരിക്കുന്നതിന് ശക്തമായ നടപടികൾ സ്വീകരിക്കണമെന്ന് ആവശ്യപ്പെട്ട് സ്ട്രാറ്റജിക് തിങ്കിംഗ് ബ്ലോക്ക് വക്താവ് ഖാലിദ് ബു ഓങ്കിന്റെ നേതൃത്വത്തിൽ അഞ്ച് എംപിമാർ ചേർന്നാണ് പാർലമെന്റിൽ അടിയന്തര നിർദ്ദേശം സമർപ്പിച്ചത്.

ALSO READ: രൂപ ഇടിഞ്ഞതോടെ നാട്ടിലേക്ക് പണം അയക്കുന്നത് കുത്തനെ കൂടി; മണി എക്‌സ്‌ചേഞ്ചുകളില്‍ തിരക്ക്; മൂന്നിരട്ടി വരെ പണം അയച്ച് യുഎഇ പ്രവാസികള്‍ | India Rupee Value 

അടിയന്തര നിർദ്ദേശം അടുത്ത ആഴ്ചത്തേക്ക് മാറ്റി

നിയമപരമായ ബാധ്യതകൾ പൂർത്തിയാക്കാതെ വിദേശികൾ രാജ്യം വിടുന്നത് തടയാനായി നിലവിലുള്ള നിയമങ്ങളിൽ ഭേദഗതികൾ വരുത്താനാണ് എംപിമാരുടെ ആവശ്യം.

നിർദ്ദേശം ഇന്നലെ പാർലമെന്റിന്റെ അജണ്ടയിൽ ഉൾപ്പെടുത്തിയിരുന്നെങ്കിലും, യോഗം അപ്രതീക്ഷിതമായി പെട്ടെന്ന് അവസാനിച്ചതിനെ തുടർന്ന് അടുത്ത ആഴ്ചത്തേക്ക് മാറ്റിവെച്ചിരിക്കുകയാണ്. കർശനമായ നിയന്ത്രണങ്ങൾ ഏർപ്പെടുത്തുന്നതിലൂടെ സർക്കാരിനും സ്വകാര്യ സ്ഥാപനങ്ങൾക്കുമുണ്ടാകുന്ന സാമ്പത്തിക നഷ്ടങ്ങൾ കുറയ്ക്കാനാകുമെന്നാണ് എംപിമാർ പ്രതീക്ഷിക്കുന്നത്.

ALSO READ: ബഹ്‌റൈന്‍ - ഇറ്റലി ബന്ധം പുതിയ തലത്തിലേക്ക്; ജോര്‍ജിയ മെലോണി മനാമയില്‍ 

bahrain lawmakers call for a legal amendment to stop individuals from traveling abroad without settling financial obligations