ബ്രസൽസ്: ഇസ്‌റാഈലി ആക്രമണ ഭീഷണി ചെറുക്കാൻ ഇറാൻ റഷ്യയുടെ നൂതന എസ്.യു35 യുദ്ധവിമാനങ്ങൾ വാങ്ങുന്നു. 2026നും 2028നുമിടയിൽ ഇത്തരം 48 വിമാനങ്ങൾ വാങ്ങാൻ ഇറാൻ 600 കോടി യൂറോയുടെ കരാറിലൊപ്പുവച്ചു. റഷ്യയുടെ ചോർത്തപ്പെട്ട പ്രതിരോധ രേഖകളിലാണ് ഇക്കാര്യം വ്യക്തമാക്കുന്നത്.

ALSO READ: മാതാപിതാക്കൾക്കുള്ള ജി.പി.എഫ് നോമിനേഷൻ വിവാഹത്തോടെ അസാധു: സുപ്രിംകോടതി 

ഒക്ടോബറിൽ ബ്ലാക് മിറർ എന്ന ഹാക്കർ ഗ്രൂപ്പിലാണ് ഈ റിപ്പോർട്ട് ആദ്യം പ്രസിദ്ധീകരിച്ചത്. ഇറാനിൽ വച്ചായിരിക്കും യുദ്ധവിമാന ഭാഗങ്ങൾ കൂട്ടിച്ചേർക്കുക. റഷ്യയുടെ സുഖോയ് കമ്പനിയുടെയും കെ.ആർ.ഇ.ടിയുടെയും സാങ്കേതികവിദഗ്ധന്മാർ ഇതിനായി 2024ൽ ഇറാനിലെത്തിയിട്ടുണ്ട്. ഇതാദ്യമായാണ് ഇറാൻ അഞ്ചാം തലമുറ യുദ്ധവിമാനങ്ങൾ തദ്ദേശീയമായി നിർമിക്കുന്നത്.

ALSO READ: ഗസ്സയിൽ രണ്ടാംഘട്ട സമാധാനപദ്ധതിക്ക് വഴി തെളിയുന്നു; ഹമാസ് കൈമാറാൻ ബാക്കിയുള്ളത് ഒരു ബന്ദിയുടെ മൃതദേഹം മാത്രം

റഷ്യയുടെ മിഗ് 29 യുദ്ധവിമാനങ്ങൾ ഇപ്പോൾ തന്നെ ഇറാനിലുണ്ടെന്നും എസ്.യു 35 വൈകാതെ എത്തുമെന്നും ഒരു ജനപ്രതിനിധി വെളിപ്പെടുത്തിയിരുന്നു. റഷ്യയുടെ എസ് 400 മിസൈൽ വേധ സംവിധാനവും എച്ച്. ക്യു 9 സംവിധാനവും എത്തുമെന്നും അദ്ദേഹം പറഞ്ഞു. ഇറാൻ റഷ്യയിൽ നിന്നും ചൈനയിൽ നിന്നും വ്യോമ പ്രതിരോധ സംവിധാനങ്ങൾ വാങ്ങുമെന്ന് മറ്റൊരു ജനപ്രതിനിധിയും വ്യക്തമാക്കിയിരുന്നു.

അൾജീരിയ, എത്യോപ്യ എന്നീ രാജ്യങ്ങൾക്കും റഷ്യ നൂതന സുഖോയ് യുദ്ധവിമാനങ്ങൾ വിൽക്കുമെന്നാണ് റിപ്പോർട്ടിലുള്ളത്.

iran has reportedly finalized a massive arms deal with russia to purchase 48 advanced sukhoi su-35 multirole fighter jets for an estimated €6 billion (approximately us$6.5 billion).