തിരുവനന്തപുരം: വർക്കല നോർത്ത് ക്ലിഫിലെ കലയിലെ റിസോർട്ടിൽ തീപിടുത്തം. ഇന്ന് ഉച്ചക്ക് 2.30ഓടെയാണ് റിസോർട്ടിൽ തീപിടുത്തമുണ്ടായത്. റിസോർട്ട് പൂർണമായും കത്തിനശിച്ചു. റിസോർട്ടിന് മുന്നിലായി ജീവനക്കാർ ചവറുകൾ കൂട്ടിയിട്ട് കൊണ്ട് തീയിട്ടിരുന്നു. കാറ്റിൽ തീപ്പൊരി റിസോർട്ടിലേക്ക് പടരുകയും പിന്നീട് ആളിക്കത്തുകയും ആയിരുന്നു.

ഇതിനു പിന്നാലെ നാട്ടുകാരുടെയും ഫയർ ഫോഴ്സിന്റെയും നേതൃത്വത്തിൽ രക്ഷാപ്രവർത്തനം നടക്കുകയായിരുന്നു. റിസോർട്ടിലെ മുറികൾ പൂർണമായും കത്തി നശിച്ചു. റിസോർട്ടിലെ വിനോദ സഞ്ചാരികൾ ഓടി രക്ഷപ്പെടുകയായിരുന്നു.