തൃശൂര്‍: തദ്ദേശ തെരഞ്ഞെടുപ്പില്‍ ജനവിധി തേടിയ മുന്‍ എം.എല്‍.എ അനില്‍ അക്കരയ്ക്ക് വന്‍ വിജയം. അടാട്ട് പഞ്ചായത്തിലെ പതിനഞ്ചാം വാര്‍ഡില്‍ നിന്നാണ് അദ്ദേഹം ജനവിധി തേടിയത്. 300 ലധികം വോട്ടുകളുടെ ഭൂരിപക്ഷത്തിനാണ് അനില്‍ അക്കര വിജയിച്ചത്. സി.പി.എമ്മിന്റെ കെ.ബി തിലകനേയും ബി.ജെ.പിയുടെ ഹരീഷ് വി.ജിയേയുമാണ് അദ്ദേഹം പരാജയപ്പെടുത്തിയത്. 

വടക്കാഞ്ചേരി മുന്‍ എം.എല്‍.എയായിരുന്ന അനില്‍ അക്കര 2000 മുതല്‍ 2010 വരെ അടാട്ട് ഗ്രാമപഞ്ചായത്ത് അംഗമായിരുന്നു

2016 ലെ തെരഞ്ഞെടുപ്പില്‍ വടക്കാഞ്ചേരിയില്‍ നിന്ന് മത്സരിച്ചാണ് നിയമസഭയിലെത്തിയത്. എന്നാല്‍ 2021 ല്‍ സി.പി.എം സ്ഥാനാര്‍ഥി സേവ്യര്‍ ചിറ്റിലപ്പള്ളിയോട് പരാജയപ്പെട്ടു. 2000 മുതല്‍ 2003 വരെ പഞ്ചായത്ത് വൈസ് പ്രസിഡന്റ് സ്ഥാനവും 2003 മുതല്‍ 2010 വരെ പ്രസിഡന്റ് സ്ഥാനവും വഹിച്ചിട്ടുണ്ട്.

അതേസമയം അടാട്ട് പഞ്ചായത്തില്‍ ഇഞ്ചോടിഞ്ച് പോരാട്ടമാണ് നടക്കുന്നത്. യു.ഡി.എഫ് -9 എല്‍.ഡി.എഫ് 8 എന്ന നിലയിലാണ് ഇപ്പോഴത്തെ കക്ഷിനില

Former MLA Anil Akkara has secured a decisive victory in the local body elections held in Thrissur district. He contested from the 15th ward of Adat Grama Panchayat and won with a strong mandate. Anil Akkara’s return to electoral politics through the panchayat election has drawn attention, highlighting his continued influence at the grassroots level.