കോഴിക്കോട്: കോഴിക്കോട് ചങ്ങരോത്ത് പഞ്ചായത്തില്‍ യു.ഡി.എഫിന്റെ വിജയാഘോഷത്തിനിടെ ശുദ്ധികലശം നടത്തിയ സംഭവത്തില്‍ പൊലിസ് കേസെടുത്തു.  10 പേര്‍ക്കെതിരെയാണ് പേരാമ്പ്ര പൊലിസ് കേസെടുത്തത്. പഞ്ചായത്ത് മുന്‍  പ്രസിഡന്റ് ഉണ്ണി വേങ്ങേരിയുടെ പരാതിയിലാണ് നടപടി. 

ALSO READ: എസ്‌ഐആര്‍: പൂരിപ്പിച്ച ഫോം നല്‍കാന്‍ ഇന്നു കൂടി അവസരം; പുറത്തായിരിക്കുന്നത് 24.95 ലക്ഷം

എസ്.സി- എസ്.ടി വകുപ്പ് പ്രകാരമാണ് കേസ്. യു.ഡി.എഫ് പ്രവര്‍ത്തകരുടെ ശുദ്ധികലശത്തെ തള്ളി മുസ്ലിം ലീഗ് നേരത്തെ രംഗത്തെത്തിയിരുന്നു. തെറ്റായ സന്ദേശം സമൂഹത്തില്‍ പ്രചരിപ്പിക്കാന്‍ ഈ പ്രവര്‍ത്തനം കാരണമായിട്ടുണ്ടെങ്കില്‍ അതിനെ തള്ളിക്കളയുകയാണെന്നാണ് മുസ്ലിം ലീഗ് സംസ്ഥാന ജനറല്‍ സെക്രട്ടറി പി.എം.എ സലാം പ്രതികരിച്ചത്.

ALSO READ: തൊഴിലുറപ്പ് പദ്ധതിയിലെ കടുംവെട്ട്, പ്രതികൂലമായി ബാധിക്കുന്നത് നിർധന സത്രീകളെയും ആദിവാസികളെയും

എസ്.സി വിഭാഗത്തില്‍പ്പെട്ട തന്നെ ജാതീയമായി അധിക്ഷേപിച്ചെന്നും സംഭവത്തില്‍ മനോവിഷമമുണ്ടെന്നും ഉണ്ണി വേങ്ങേരി പ്രതികരിച്ചു.  ദലിത് സമൂഹത്തെയാണ് ഇതുവഴി ആക്ഷേപിച്ചതെന്നും അദ്ദേഹം കൂട്ടിച്ചേര്‍ത്തു. 20 സീറ്റുകളുള്ള പഞ്ചായത്തില്‍ ഇത്തവണ ഒറ്റ സീറ്റില്‍ മാത്രമാണ് എല്‍.ഡി.എഫ് വിജയിച്ചത്.

police have registered a case against ten people following a purification ritual conducted during udf victory celebrations at changaroth panchayat, sparking political controversy in kerala.