അണ്ടർ 19 ഏഷ്യ കപ്പിൽ കിരീടം ചൂടി പാകിസ്താൻ. കലാശപ്പോരാട്ടത്തിൽ ഇന്ത്യയെ 191 റൺസിന്‌ വീഴ്ത്തിയാണ് പാകിസ്താൻ ചാമ്പ്യന്മാരായത്. പാകിസ്താന്റെ രണ്ടാം ഏഷ്യ കപ്പ് വിജയമാണിത്. മത്സരത്തിൽ ആദ്യം ബാറ്റ് ചെയ്ത പാകിസ്താൻ 348 റൺസിന്റെ കൂറ്റൻ വിജയലക്ഷ്യമാണ് ഇന്ത്യക്ക് മുകളിൽ ഉയർത്തിയത്. മറുപടി ബാറ്റിങ്ങിനിറങ്ങിയ ഇന്ത്യ 26.2 ഓവറിൽ 156 റൺസിന്‌ പുറത്താവുകയായിരുന്നു. 

ആദ്യം ബാറ്റ് ചെയ്ത പാകിസ്താൻ സെഞ്ച്വറി നേടിയ സമീർ മിൻഹാസിന്റെ കരുത്തിലാണ് കൂറ്റൻ സ്കോർ നേടിയത്. 113 പന്തിൽ 172 റൺസ് നേടിയാണ് താരം തകർത്തടിച്ചത്. 17 ഫോറുകളും ഒമ്പത് സിക്സുകളും അടങ്ങുന്നതാണ് താരത്തിന്റെ പ്രകടനം. അഹമ്മദ് ഹുസ്സൈൻ 72 പന്തിൽ 56 റൺസും നേടി. രണ്ട് ഫോറുകളും ഒരു സിക്സുമാണ് താരം നേടിയത്. 

പാകിസ്താൻ ബൗളിങ്ങിൽ അലി റാസ നാല് വിക്കറ്റുകൾ വീഴ്ത്തി മികച്ച പ്രകടനമാണ് നടത്തിയത്. മുഹമ്മദ് സയ്യാൻ, അബ്ദുൽ സുബാൻ, ഹുസൈഫ അഹ്സാൻ എന്നിവർ രണ്ട് വീതം വിക്കറ്റുകൾ നേടിയും ഇന്ത്യയെ എറിഞ്ഞു വീഴ്ത്തി. 

ഇന്ത്യൻ നിരയിൽ 16 പന്തിൽ 36 റൺസ് നേടിയ ദേവേന്ദ്രൻ ആണ് ടോപ് സ്‌കോറർ. വൈഭവ് സൂര്യവംശി 26 റൺസ് നേടി. ബാക്കിയുള്ള താരങ്ങൾക്കൊന്നും കാര്യമായി ഒന്നും തന്നെ ചെയ്യാനായില്ല. 

Pakistan won the Under-19 Asia Cup. Pakistan defeated India by 191 runs in the final to become the champions. This is Pakistan's second Asia Cup victory. Batting first, Pakistan set a huge target of 348 runs for victory over India. In reply, India were bowled out for 156 runs in 26.2 overs.