പേരാമ്പ്ര: എരവട്ടൂര്‍ മഹല്ല് കമ്മിറ്റിയും മഹല്ല് ജി.സി.സി കൂട്ടായ്മയും ചേര്‍ന്ന് ബുര്‍ഹാന്‍ മദ്‌റസാ ഓഡിറ്റോറിയത്തില്‍ ഈദ്-ഓണം സ്‌നേഹസംഗമം നടത്തി. പേരാമ്പ്ര സി.ഐ കെ.പി സുനില്‍കുമാര്‍ ഉദ്ഘാടനം ചെയ്തു. വി.കെ മൊയ്തി അധ്യക്ഷനായി.
പേരാമ്പ്ര പാദുവാ ആശ്രമം സുപീരിയര്‍ ഫാദര്‍ ജസ്റ്റിന്‍ ജോണ്‍, പുതുമന ഇല്ലത്ത് ഈശ്വരന്‍ നമ്പൂതിരി, സ്വാലിഹ് ഹുദവി, അബ്ദുല്‍ അസീസ്, ക്ഷേത്ര കമ്മിറ്റി ഭാരവാഹികളായ കെ.വി വത്സന്‍ നായര്‍, ചന്ദ്രന്‍ ചങ്ങരോത്ത്, കെ.പി ഗോപി, പി.കെ നാസര്‍ സംസാരിച്ചു.
മേപ്പയ്യൂര്‍: വിളയാട്ടൂര്‍ എളമ്പിലാട് എം.യു.പി സ്‌കൂളില്‍ ഓണം-പെരുന്നാള്‍ ആഘോഷം നടത്തി. ടൗണ്‍ വാര്‍ഡ് അംഗം ഷര്‍മിന കോമത്ത് ഉദ്ഘാടനം ചെയ്തു. പി.ടി.എ വൈസ് പ്രസിഡന്റ് രാജേഷ് കൂനിയത്ത് അധ്യക്ഷനായി. പ്രധാനാധ്യാപകന്‍ ഇ.കെ മുഹമ്മദ് ബഷീര്‍, ഐ.എം കലേഷ്, വി. പ്രകാശന്‍, കെ.വി രാമചന്ദ്രന്‍, മുജീബ് കോമത്ത്, എ.എം രാമചന്ദ്രന്‍ സംസാരിച്ചു.
നടുവണ്ണൂര്‍: കോട്ടൂര്‍ എ.യു.പി സ്‌കൂള്‍ ഓണാഘോഷ പരിപാടി പി.ടി.എ പ്രസിഡന്റ് സി.എച്ച് സുരേഷ് ഉദ്ഘാടനം ചെയ്തു. എം.പി.ടി.എ പ്രസിഡന്റ് ബിജില പടിയക്കണ്ടി, കെ.സി സുനി മൂലാട്, ശാലിനി കെ, പ്രധാനാധ്യാപിക ശ്രീജ ആര്‍ സമ്മാന വിതരണം നടത്തി.
പേരാമ്പ്ര: ചങ്ങരോത്ത് ഗ്രാമപഞ്ചായത്തിലെ കിടപ്പിലായി പരിചരണം നേരിടുന്ന രോഗികള്‍ക്കു ഗ്രാമപഞ്ചായത്തിന്റെ ആഭിമുഖ്യത്തില്‍ ഓണക്കോടി വിതരണം ചെയ്തു. ഗ്രാമപഞ്ചായത്ത് പ്രസിഡന്റ് കെ.കെ ആയിഷ ഉദ്ഘാടനം ചെയ്തു. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ഇ.ടി സരീഷ് അധ്യക്ഷനായി. സഫിയ പടിഞ്ഞാറയില്‍, കെ. ഖൈറുന്നീസ, ജൂലി കല്ലൂര്‍ പ്രസംഗിച്ചു.