കൊല്ലം: ജില്ലാ പഞ്ചായത്തിന്റെ ഓണാഘോഷത്തോടനുബന്ധിച്ച് ജനപ്രതിനിധികളും ജീവനക്കാരും തമ്മില്‍ നടന്ന വടംവലി മത്സരത്തില്‍ ജനപ്രതിനിധികള്‍ വിജയിച്ചു.
പുരുഷന്മാര്‍ക്കും വനിതകള്‍ക്കും വെവ്വേറെയാണ് മത്സരം സംഘടിപ്പിച്ചത്. ഇരു മത്സരങ്ങളിലും ജനപ്രതിനിധികള്‍ വിജയിച്ചു. തുടര്‍ന്ന് ഓണസദ്യയും ഒരുക്കി. ജില്ലാ പഞ്ചായത്ത് പ്രസിഡന്റ്, വൈസ് പ്രസിഡന്റ്, സ്റ്റാന്റിങ് കമ്മിറ്റി അധ്യക്ഷര്‍, ജില്ലാ പഞ്ചായത്ത് അംഗങ്ങള്‍, നിര്‍വഹണ ഉദ്യോഗസ്ഥര്‍, സെക്രട്ടറി എന്‍. ജയ്‌സുഖ്‌ലാല്‍, ജില്ലാ പഞ്ചായത്ത് ജീവനക്കാര്‍, ജില്ലാ പഞ്ചായത്ത് മുന്‍ പ്രസിഡന്റ് എസ്. ജയമോഹന്‍, മുന്‍ സെക്രട്ടറി കെ. അനില്‍കുമാര്‍ പങ്കെടുത്തു.