തിരുവനന്തപുരം: ഇന്ന് വിവാഹം നടക്കാനിരിക്കെ പ്രതിശ്രുതവരന്‍ വാഹനാപകടത്തില്‍ മരിച്ചു. ചെമ്പഴന്തി ചെല്ലമംഗലം സ്വദേശി രാഗേഷ് (28) ആണ് മരിച്ചത്. 

തിരുവനന്തപുരം ശ്രീകാര്യത്ത് കെ.എസ്.ആര്‍.ടി.സി സ്വിഫ്റ്റ് ബസ്സും ബൈക്കും കൂട്ടിയിടിച്ചാണ് അപകടമുണ്ടായത്. പുലര്‍ച്ചെ ഒരു മണിയോടെ പാങ്ങപ്പാറ മാങ്കുഴിയിലായിരുന്നു അപകടം നടന്നത്. 

പൊലിസ് സ്ഥലത്തെത്തി മൃതദേഹം ആശുപത്രിയിലേക്ക് മാറ്റി. രാഗേഷും കാട്ടായിക്കോണം സ്വദേശിനിയുമായുള്ള വിവാഹം ഇന്ന് നടക്കാനിരിക്കെയാണ് അപകടമുണ്ടായത്. രാഗേഷും യുവതിയും പ്രണയത്തിലായിരുന്നു. ഇരു വീട്ടുകാരും എതിര്‍ത്തതിനെതുടര്‍ന്ന് ഇന്ന് അമ്പലത്തില്‍ താലികെട്ടി വിവാഹം രജിസ്റ്റര്‍ ചെയ്യാനിരിക്കുകയായിരുന്നു. ഇതിനായി രാത്രി ബന്ധുവീട്ടില്‍ പോയി തിരിച്ചുവരുമ്പോഴാണ് ബൈക്ക് ബസില്‍ ഇടിച്ചത്. 

ബൈക്ക് അമിത വേഗതയിലായിരുന്നുവെന്നാണ് വിവരം. ബൈക്ക് പൂര്‍ണമായും തകര്‍ന്നു. 

Just hours before his wedding, a 28-year-old man was killed in a tragic road accident in Thiruvananthapuram. The deceased, Ragesh, a native of Chempazhanthy Chellamangalam, died after his bike collided with a KSRTC Swift bus at Pangappara Mankuzhi around 1 am.