ഇന്ത്യക്കെതിരായ രണ്ടാം ഏകദിനത്തിൽ മിന്നും പ്രകടനം നടത്തിയ ഡാറിൽ മിച്ചലിനെ പ്രശംസിച്ച് മുൻ ഇന്ത്യൻ താരം ആർ. അശ്വിൻ. മിച്ചലിനെ ലോകത്തിലെ ഏറ്റവും ബുദ്ധിമാനായ ക്രിക്കറ്റർ എന്നാണ് അശ്വിൻ വിശേഷിപ്പിച്ചത്. എക്‌സിലൂടെയായിരുന്നു അശ്വിന്റെ പ്രതികരണം. 

''ഡാറിൽ മിച്ചൽ ലോകത്തിലെ ഏറ്റവും ബുദ്ധിമാനായ ക്രിക്കറ്റ് താരങ്ങളിൽ ഒരാളാണ്. തന്റെ കളിയെക്കുറിച്ചുള്ള അറിവ് ഉപയോഗിച്ചുകൊണ്ട് അവന്റെ കഴിവ് പരമാവധി ഉപയോഗിക്കുന്നു. വരുൺ കുൽദീപ് തുടങ്ങിയ സ്പിന്നർമാരുടെ മുന്നിൽ വിക്കറ്റ് വീഴ്ത്താൻ തയ്യാറാവാത്ത അപൂർവ ബാറ്റർമാരിൽ ഒരാൾ. കുൽദീപിനെതിരെ സിക്സർ നേടിയപ്പോൾ അടുത്ത പന്ത് കുറച്ച വേഗത്തിൽ എറിയുമെന്ന് പ്രതീക്ഷിച്ചുകൊണ്ട് അവൻ കോർണറിലേക്ക് ഒരു ഫോറും നേടി. ഇത് വിശദീകരിക്കുമ്പോൾ വളരെ ലളിതമായി തോന്നും. എന്നാൽ ഇത് ഒരു അണ്ടർറേറ്റഡ് ഷോട്ടാണ്'' അശ്വിൻ എക്‌സിൽ കുറിച്ചു. 

ഇന്ത്യക്കെതിരെ 117 പന്തിൽ പുറത്താവാതെ 131 റൺസ് നേടിയാണ് മിച്ചൽ തിളങ്ങിയത്. 11 ഫോറുകളും രണ്ട് സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്. മിച്ചലിന് പുറമെ വിൽ യങ് അർദ്ധ സെഞ്ച്വറിയും നേടി ടീമിന്റെ വിജയത്തിൽ നിർണായകമായി. 98 പന്തിൽ 87 റൺസാണ് താരം നേടിയത്. ഏഴ് ഫോറുകൾ അടങ്ങുന്നതാണ് താരത്തിന്റെ പ്രകടനം.

മത്സരത്തിൽ ഏഴ് വിക്കറ്റിന്റെ തകർപ്പൻ വിജയമാണ് കിവീസ് സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത ഇന്ത്യ ഏഴ് വിക്കറ്റ് നഷ്ടത്തിൽ 284 റൺസാണ് നേടിയത്. മറുപടി ബാറ്റിങ്ങിനിറങ്ങിയ കിവീസ് മൂന്ന് വിക്കറ്റ് നഷ്ടത്തിൽ ലക്ഷ്യം മറികടന്നു. 

ഈ വിജയത്തോടെ മൂന്ന് മത്സരങ്ങളുടെ പരമ്പര 1-1 എന്ന നിലയിൽ സമനിലയിലാക്കാനും കിവീസിന് സാധിച്ചു. ജനുവരി 18നാണ് പരമ്പരയിലെ അവസാന മത്സരം നടക്കുന്നത്. 

Former Indian player R. Ashwin praised Daryl Mitchell for his brilliant performance in the second ODI against India. Ashwin described Mitchell as the most intelligent cricketer in the world. Ashwin's response was through on social media.