സിഡ്‌നി: ബിഗ് ബാഷ് ലീഗിൽ സിഡ്‌നി തണ്ടറിനെതിരെ സിഡ്‌നി സിക്‌സേഴ്സിന് അഞ്ചു വിക്കറ്റിന്റെ തകർപ്പൻ വിജയം. സിഡ്‌നിയിൽ നടന്ന മത്സരത്തിൽ ആദ്യം ബാറ്റ് ചെയ്ത സിഡ്‌നി തണ്ടർ 20 ഓവർ ആറ് വിക്കറ്റ് നഷ്ടത്തിൽ 189 റൺസാണ് നേടിയത്. മറുപടി ബാറ്റിങ്ങിനിറങ്ങിയ സിക്സേഴ്സ് 17.2 ഓവറിൽ അഞ്ചു വിക്കറ്റ് നഷ്ടത്തിൽ ലക്ഷ്യം മറികടന്നു. 

സിഡ്‌നി തണ്ടറിനായി ഡേവിഡ് വാർണർ സെഞ്ച്വറി നേടി മിന്നും പ്രകടനമാണ് നടത്തിയത്. 65 പന്തിൽ പുറത്താവാതെ 110 റൺസാണ് വാർണർ നേടിയത്. 11 ഫോറുകളും നാല് സിക്സുകളും അടങ്ങുന്നതായിരുന്നു താരത്തിന്റെ വെടിക്കെട്ട് ഇന്നിംഗ്സ്. ഈ സീസണിലെ വാർണറിന്റെ രണ്ടാം സെഞ്ച്വറി ആയിരുന്നു ഇത്. 

വാർണറിന്റെ സെഞ്ച്വറിക്ക് മറുപടിയായി സിക്‌സേഴ്സിനായി സ്റ്റീവ് സ്മിത്തും സെഞ്ച്വറി നേടി ടീമിനെ വിജയത്തിലെത്തിച്ചു. 42 പന്തിൽ അഞ്ചു ഫോറുകളും ഒമ്പത് കൂറ്റൻ സിക്സുകളും അടക്കം 100 റൺസ് നേടിയാണ് സ്മിത്ത് സിക്‌സേഴ്സിന് വിജയം സമ്മാനിച്ചത്. പാക് താരം ബാബർ അസം 39 പന്തിൽ 47 റൺസും നേടി ടീമിന്റെ വിജയത്തിൽ നിർണായകമായി. 

Sydney Sixers registered a convincing five-wicket win over Sydney Thunder in the Big Bash League. Batting first, Sydney Thunder scored 189 runs for the loss of six wickets in 20 overs. In reply, Sixers chased down the target for the loss of five wickets in 17.2 overs. David Warner scored a brilliant century for Sydney Thunder. In response to Warner's century, Steve Smith also scored a century for Sixers and led the team to victory.