സംസ്ഥാനത്ത് സ്വര്‍ണവിലയില്‍ നേരിയ ഇടിവ്. രാവിലത്തെ കുതിപ്പിന് ശേഷം ഉച്ചയ്ക്ക് നേരിയ തോതില്‍ സ്വര്‍ണവില കുറയുകയായിരുന്നു. ഇന്ന് രാവിലെ 1,19,320 രൂപയായിരുന്ന പവന്റെ വിലയില്‍ നിന്ന് 560 രൂപ കുറഞ്ഞ് 118760 രൂപയായി. 

യു.എസ് പ്രസിഡന്റ് ഡൊണാള്‍ഡ് ട്രംപിന്റെ നയങ്ങളാണ് സ്വര്‍ണവില ഉയരാനുള്ള പ്രധാന കാരണമായി നിരീക്ഷകര്‍ ചൂണ്ടിക്കാട്ടുന്നത്.
ഗ്രീന്‍ലാന്‍ഡിന് മേലുള്ള ട്രംപിന്റെ അവകാശവാദവും ഫെഡറല്‍ റിസര്‍വിന് മേല്‍ അദ്ദേഹം ചെലുത്തുന്ന സമ്മര്‍ദവുമെല്ലാം സ്വര്‍ണവില ഉയരുന്നതിനുള്ള പ്രധാനകാരണമാണെന്ന് ഇവര്‍ വ്യക്തമാക്കുന്നു. ഡോളര്‍ ദുര്‍ബലമാവുന്നത് മറ്റൊരു കാരണമാണ്. ഇതിന് പിന്നാലെ കേന്ദ്രബാങ്കുകള്‍ വന്‍തോതില്‍ സ്വര്‍ണം വാങ്ങിക്കൂട്ടുന്നതും മഞ്ഞലോഹത്തിന്റെ വില നിര്‍ണയിക്കുന്നതില്‍ പ്രധാന പങ്കു വഹിക്കുന്നു.