മനില: തെക്കന്‍ ഫിലിപ്പീന്‍സില്‍ യാത്രാ ബോട്ട് മുങ്ങി 15 മരണം. 359 യാത്രക്കാരുമായി പോയ 'എം.വി തൃഷ കെര്‍സ്റ്റിന്‍' എന്ന ബോട്ടാണ് അപകടത്തില്‍ പെട്ടത്. തിങ്കളാഴ്ച പുലര്‍ച്ചയോടെ ബലൂക്-ബലൂക് ദ്വീപില്‍ നിന്ന് സുലുവിലെ ജോലോ ദ്വീപിലേക്ക് യാത്രക്കാരുമായി പോകുമ്പോഴായിരുന്നു അപകടം. ബോട്ടില്‍ 332 യാത്രികരും 27 ജീവനക്കാരും അടക്കം 359 പേരാണ് ഉണ്ടായിരുന്നത്.

ALSO READ: 'കൈ' വിടുമോ? അഭ്യൂഹങ്ങൾക്ക് മറുപടി നൽകാതെ തന്ത്രപരമായ പിന്മാറ്റം; ഇടതുപക്ഷ പ്രവേശനം തള്ളാതെയും കൊള്ളാതെയും ശശി തരൂർ എം.പി

സാംബോവങ്ക സിറ്റിയില്‍ നിന്നും പുറപ്പെട്ട് ഏകദേശം നാല് മണിക്കൂറിന് ശേഷം ശക്തമായ തിരയില്‍ പെട്ട് ബോട്ടിന്റെ ഡെക്കില്‍ വെള്ളം കയറുകയായിരുന്നു. ഉടന്‍ ബോട്ടിലെ ജീവനക്കാര്‍ കോസ്റ്റ്ഗാര്‍ഡ് അധികൃതര്‍ക്ക് അപായ സൂചന നല്‍കി. കോസ്റ്റ്ഗാര്‍ഡും മീന്‍പിടിത്ത ബോട്ടുകളും മറ്റും സ്ഥലത്തെത്തിയാണ് രക്ഷാപ്രവര്‍ത്തനം നടത്തിയത്. 

ഇതുവരെ 316 പേരെയാണ് രക്ഷപ്പെടുത്താന്‍ കഴിഞ്ഞത്. 28 പേര്‍ക്ക് വേണ്ടി ഇപ്പോഴും തിരച്ചില്‍ തുടരുകയാണ്. അലിസണ്‍ ഷിപ്പിങ് ലൈന്‍സ് എന്ന കമ്പനിയുടേതാണ്  ബോട്ട്. രക്ഷപ്പെടുത്തിയവരില്‍ ചിതകിത്സ ആവശ്യമുള്ളവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.  പ്രതികൂല കാലാവസ്ഥയെ തുടര്‍ന്ന് കാരണം കടലില്‍ അപകടങ്ങള്‍ പതിവാണ് ഫിലിപ്പീന്‍സില്‍.

at least 15 people were killed after the passenger boat mv thrisha kerstin sank in southern philippines while traveling from baluk-baluk island to jolo, with rescue operations still underway for missing passengers.