കുന്ദമംഗലം: കാരന്തൂര്‍  പാറ്റേണ്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ ഓണാഘോഷം സംഘടിപ്പിച്ചു. പാറ്റേണ്‍ പ്രസിഡന്റ് അരീക്കല്‍ മൂസ ഹാജി അധ്യക്ഷനായി. ചടങ്ങില്‍ കുന്ദമംഗലം നിയോജകമണ്ഡലം എം.എല്‍.എ പി.ടി.എ റഹീമിനെ ആദരിച്ചു.
കുന്ദമംഗലം ഗ്രാമപഞ്ചായത്ത് പ്രസിഡന്റ് ടി.കെ സീനത്ത്, മെമ്പര്‍മാരായ എം. ബാബുമോന്‍, പി. പവിത്രന്‍, ഷമീന വെള്ളക്കാട്ട്, പടാളിയില്‍ ബഷീര്‍, സൗദ ടി.കെ, കാരന്തൂര്‍ മഹല്ല് പ്രസിഡന്റ് എന്‍. ബീരാന്‍ ഹാജി, പി. കൃഷ്ണന്‍കുട്ടി, അഷ്‌റഫ് ഹാജി, പി. ഹസന്‍ ഹാജി, നജീബ്, മജീദ് മാനിപുരം, പൂങ്കുന്നത്ത് മുഹമ്മദ്, ത്രിപുരി പൂളോറ, ഹിഷാം ഹസന്‍, പി. സുനില്‍കുമാര്‍, പി. യൂസുഫ്, പി.എന്‍ ശശിധരന്‍ പ്രസംഗിച്ചു. പി.ടി.എ റഹീം എം.എല്‍.എ മറുപടി പ്രസംഗം നടത്തി.
പതിമംഗലം: ബലിപെരുന്നാളിനോടും ഓണത്തോടുമനുബന്ധിച്ച് പതിമംഗലം അല്‍ ജൗഹര്‍ പബ്ലിക് സ്‌കൂളില്‍ മൈലാഞ്ചിയിടല്‍, പൂക്കള മത്സരം എന്നിവ സംഘടിപ്പിച്ചു. പി.ടി.എ പ്രസിഡന്റ് കെ.പി ഖാലിദ് ഉദ്ഘാടനം ചെയ്തു. എ.ടി അഹമ്മദ് കുട്ടി, റസാഖ്, ഹസീന ടീച്ചര്‍, ഉമൈമത്ത് ടീച്ചര്‍ പ്രിന്‍സിപ്പല്‍ എം.പി ഷീന, ടി. സുഹീര്‍ അഹമ്മദ്, സംസാരിച്ചു.
കൊടുവള്ളി: മടവൂര്‍ ഹസനിയ്യ എ.യു.പി സ്‌കൂളില്‍ ഓണാഘോഷത്തിന്റെ ഭാഗമായി പൂക്കള മത്സരം, വടംവലി, ലെമണ്‍ സ്പൂണ്‍ മത്സരം തുടങ്ങി വിവിധ പരിപാടികള്‍ നടന്നു. വാര്‍ഡ് മെമ്പര്‍ റിയാസ് ഖാന്‍, പി.ടി.എ പ്രസിഡന്റ് സലീം മുട്ടാഞ്ചേരി, പൂര്‍വാധ്യാപിക നഫീസ ടീച്ചര്‍ പങ്കെടുത്തു.