മനാമ: ഇന്ത്യയുടെ 77ാമത് റിപ്പബ്ലിക് ദിനാഘോഷത്തോടനുബന്ധിച്ച് ബഹ്‌റൈനിലെ ഇന്ത്യന്‍ അംബാസഡര്‍ വിനോദ് കുര്യന്‍ ജേക്കബ് സംഘടിപ്പിച്ച ഔദ്യോഗിക വിരുന്നില്‍ ബഹ്‌റൈന്‍ വിദേശകാര്യ മന്ത്രി ഡോ. അബ്ദുല്ലത്തീഫ് ബിന്‍ റാഷിദ് അല്‍ സയാനി മുഖ്യാതിഥിയായി. ബഹ്‌റൈന്‍ ഭരണാധികാരി ഹിസ് മജസ്റ്റി കിങ് ഹമദ് ബിന്‍ ഈസ അല്‍ ഖലീഫയുടെയും കിരീടാവകാശിയും പ്രധാനമന്ത്രിയുമായ ഹിസ് റോയല്‍ ഹൈനസ് പ്രിന്‍സ് സല്‍മാന്‍ ബിന്‍ ഹമദ് അല്‍ ഖലീഫയുടെയും പ്രത്യേക റിപ്പബ്ലിക് ദിന ആശംസകള്‍ അദ്ദേഹം ചടങ്ങില്‍ കൈമാറി.
ഇന്ത്യയും ബഹ്‌റൈനും തമ്മിലുള്ള സുദൃഢമായ ബന്ധം വെറും താല്‍പ്പര്യങ്ങളില്‍ അധിഷ്ഠിതമല്ലെന്നും ജനങ്ങള്‍ തമ്മിലുള്ള ആഴത്തിലുള്ള സ്‌നേഹബന്ധമാണ് ഇതിന്റെ അടിത്തറയെന്നും അദ്ദേഹം പറഞ്ഞു.

ഐക്യരാഷ്ട്രസഭ സുരക്ഷാ കൗണ്‍സിലില്‍ ബഹ്‌റൈന്‍ അംഗത്വം വഹിക്കുന്ന സാഹചര്യത്തില്‍ അന്താരാഷ്ട്ര സമാധാനത്തിനായി ഇന്ത്യയുമായി ചേര്‍ന്ന് പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു. ഇരുരാജ്യങ്ങളും തമ്മിലുള്ള ചരിത്രപരമായ ബന്ധത്തെക്കുറിച്ച് അംബാസഡര്‍ വിനോദ് കുര്യന്‍ ജേക്കബ് സംസാരിച്ചു. വിവിധ പ്രമുഖരും നയതന്ത്രജ്ഞരും ചടങ്ങില്‍ പങ്കെടുത്തു.

India in Bahrain (Embassy of India, Bahrain) hosted a reception celebrating the 77th #RepublicDay of India. Honored by the presence of FM H.E. Dr. Abdullatif bin Rashid Al Zayani as Chief Guest, who addressed the gathering.