കരുളായി: ഉത്സവ ദിവസങ്ങളില്‍ മദ്യത്തിന്റെയും മയക്കു മരുന്നുകളുടെയും മറ്റും ഒഴുക്കു തടയാന്‍ മലയോരത്തെ പ്രധാന പാതകളില്‍ പരിശോധന ശക്തമാക്കി. ജില്ലാ കളക്ടറുടെ നിര്‍ദ്ദേശ പ്രകാരം സബ്കളക്ടറുടെ നേതൃത്വത്തില്‍ രൂപികരിച്ചു സ്‌ക്വാഡുകളാണു വാഹന പരിശോധന നടത്തുന്നത്.
ഓരോ താലൂക്കുകള്‍ക്കു കീഴിലാണ് സ്‌ക്വാഡുകള്‍ പരിശോധന നടത്തുന്നത്. റവന്യൂ, പൊലിസ്, വനം, എക്‌സൈസ് എന്നീ വകുപ്പുകള്‍ സംയുക്തമായാണു പ്രധാനപാതകളില്‍ പരിശോന നടത്തുന്നത്.
നിലമ്പൂര്‍ താലൂക്ക് ഓഫിസിലെ ഡെപ്യുട്ടി തഹസില്‍ദാര്‍ ചന്ദ്രമേഹനന്റെ നേതൃത്വത്തില്‍ ശനിയാഴ്ച കരുളായി, അമരമ്പലം, മൂത്തേടം,  എടക്കര, ചുങ്കത്തറ, നിലമ്പൂര്‍, വഴിക്കടവ് മേഖലകളിലെ പ്രധാന പാതകളില്‍ പരിശോധന നടത്തിയത്.