കുവൈത്ത് സിറ്റി: കുവൈത്തില്‍ നിര്‍ണ്ണായക മന്ത്രിസഭാ പുനഃസംഘടന നടത്തി അമീര്‍ ശൈഖ് മിഷാല്‍ അല്‍ അഹമ്മദ് അല്‍ ജാബര്‍ അല്‍ സബാഹ് ഉത്തരവിട്ടു. വിദേശകാര്യം ഉള്‍പ്പെടെ പ്രധാനപ്പെട്ട ഏഴ് മന്ത്രാലയങ്ങളിലാണ് മാറ്റം വരുത്തിയത്. ഔദ്യോഗിക വാര്‍ത്താ ഏജന്‍സിയായ കുന ആണ് ഇക്കാര്യം റിപ്പോര്‍ട്ട് ചെയ്തത്.

പുതിയ മാറ്റങ്ങള്‍ ഇങ്ങനെ:

* വിദേശകാര്യ മന്ത്രി: ശൈഖ് ജറഹ് ജാബര്‍ അല്‍ അഹമ്മദ് അല്‍ സബാഹ്.
* വാണിജ്യ വ്യവസായ മന്ത്രി: ഉസാമ ബൗദി.
* ധനകാര്യ മന്ത്രി: യാക്കൂബ് അല്‍ റിഫായി.
* വാര്‍ത്താവിനിമയവിവരസാങ്കേതിക സഹമന്ത്രി: ഉമര്‍ സൗദ് അബ്ദുല്‍ അസീസ് അല്‍ ഉമര്‍ (പുതിയ ചുമതല).
* വിവരസാംസ്‌കാരിക മന്ത്രി: അബ്ദുള്ള ബൂഫ്‌തൈന്‍.
* സാമ്പത്തികനിക്ഷേപ കാര്യ സഹമന്ത്രി: അബ്ദുല്‍ അസീസ് അല്‍ മര്‍സൂഖ്.
* വികസനസുസ്ഥിരത കാര്യ സഹമന്ത്രി: റീം അല്‍ ഫുലൈജ്.
* കായികയുവജന കാര്യ സഹമന്ത്രി: താരിഖ് അല്‍ ജലാഹ്മ.

പ്രധാനമന്ത്രി ശൈഖ് അഹമ്മദ് അബ്ദുള്ള അല്‍ അഹമ്മദ് അല്‍ സബാഹിന്റെ നേതൃത്വത്തിലുള്ള ഇപ്പോഴത്തെ സര്‍ക്കാര്‍ 2024 മെയ് മാസത്തിലാണ് അധികാരമേറ്റത്. 2023 ഡിസംബറില്‍ അധികാരമേറ്റ അമീര്‍ ശൈഖ് മിഷാലിന് കീഴിലുള്ള രണ്ടാമത്തെ മന്ത്രിസഭയാണിത്.
രാഷ്ട്രീയ പ്രതിസന്ധികളെത്തുടര്‍ന്ന് പാര്‍ലമെന്റ് പിരിച്ചുവിടുകയും ഭരണഘടനയിലെ ചില വകുപ്പുകള്‍ നാല് വര്‍ഷത്തേക്ക് റദ്ദാക്കുകയും ചെയ്തതിന് പിന്നാലെയാണ് ഈ പുതിയ നീക്കം. കുവൈത്തില്‍ സര്‍ക്കാരും പാര്‍ലമെന്റും തമ്മിലുള്ള തര്‍ക്കങ്ങള്‍ പലപ്പോഴും മന്ത്രിസഭയുടെ രാജിക്കും പാര്‍ലമെന്റ് പിരിച്ചുവിടലിനും കാരണമാകാറുണ്ട്.

ALSO READ: വിദ്വേഷപ്രചാരണത്തിനിടെ കരുതലിന്റെ പ്രതീകമായി ദീപക്, മുസ്‌ലിം വ്യാപാരിയെ ഹിന്ദുത്വരുടെ ആക്രമണത്തിൽനിന്ന് ഒറ്റയ്ക്ക് രക്ഷിച്ചു, പിന്നാലെ ദീപകിനെ വിടാതെ ബജ്റംഗ്ദൾ

Kuwait’s Emir Sheikh Mishal al-Ahmad al-Jaber al-Sabah ordered a Cabinet reshuffle on Sunday affecting seven ministerial portfolios, including the foreign affairs post, the official news agency KUNA reported.