ന്യൂഡല്‍ഹി: ലോക്സഭാ ബജറ്റ് സമ്മേളനത്തില്‍ രാഷ്ട്രപതി ദ്രൗപദി മുര്‍മു പാര്‍ലമെന്റില്‍ നടത്തിയ നയപ്രഖ്യാപനത്തിന്മേലുള്ള നന്ദിപ്രമേയം പ്രധാനമന്ത്രിയുടെ മറുപടിയില്ലാതെ പാസാക്കി. 2004 ന് ശേഷം ഇതാദ്യമായാണ് പ്രധാനമന്ത്രിയുടെ മറുപടിയില്ലാതെ രാഷ്ട്രപതിയുടെ പ്രസംഗത്തിന് അംഗീകാരം നല്‍കുന്നത്.

പ്രതിപക്ഷ പ്രതിഷേധത്തെ തുടര്‍ന്ന് പ്രധാനമന്ത്രിക്ക് നന്ദിപ്രമേയത്തില്‍ ഇന്നും മറുപടി നല്‍കാന്‍ കഴിഞ്ഞിരുന്നില്ല. ഇന്ന് രാവിലെ ഒരു മിനിറ്റ് മാത്രമാണ് സഭ സമ്മേളിക്കാനായത്. രാഷ്ട്രപതി നടത്തിയ പ്രസംഗത്തിന് ലോക്‌സഭാ സ്പീക്കര്‍ ഓം ബിര്‍ള നന്ദി പ്രമേയം വായിക്കുകയും പ്രതിപക്ഷ ബഹളത്തിനിടെ ശബ്ദവോട്ടോടെ പ്രമേയം പാസാക്കുകയുമായിരുന്നു.

ALSO READ: വിദ്യാഭ്യാസ വായ്പ എഴുതിത്തള്ളും, സൗജന്യ ഗ്യാസ് സിലിണ്ടര്‍; വാഗ്ദാനങ്ങളുമായി അണ്ണാ ഡി.എം.കെ.യുടെ രണ്ടാംഘട്ട പ്രകടന പത്രിക 

രാഷ്ട്രപതിയുടെ പ്രസംഗത്തിനുള്ള നന്ദിപ്രമേയ ചര്‍ച്ചയില്‍ പ്രധാനമന്ത്രി നരേന്ദ്രമോദി ബുധനാഴ്ച്ച മറുപടി നല്‍കുമെന്നാണ് അറിയിച്ചിരുന്നത്. എന്നാല്‍ പ്രതിപക്ഷ അംഗങ്ങളുടെ ബഹളത്തെയും മുദ്രാവാക്യം വിളികളെയും തുടര്‍ന്ന് സ്പീക്കര്‍ ലോക്‌സഭ നിര്‍ത്തിവെക്കുകയായിരുന്നു. 

വൈകിട്ട് അഞ്ച് മണിക്ക് പ്രധാനമന്ത്രി സംസാരിക്കുമെന്നായിരുന്നു അറിയിച്ചിരുന്നത്. എന്നാല്‍ പ്രതിപക്ഷ പ്രതിഷേധം ഭയന്ന് മോദി സഭയിലെത്തിയില്ല. അഞ്ച് മണിക്ക് മോദിയുടെ പ്രസംഗം ആരംഭിക്കുന്നതിന് അരമണിക്കൂര്‍ മുമ്പുതന്നെ പ്രതിപക്ഷ അംഗങ്ങള്‍ മോദിയെ തടയാന്‍ തയാറായി സഭയ്ക്കുള്ളില്‍ നിലയുറപ്പിച്ചു. വനിതാ അംഗങ്ങള്‍ മോദിയുടെ സീറ്റിനു മുന്നില്‍ ബാനറുമായി നിലയുറപ്പിച്ചു. മോദിയെ സംസാരിക്കാന്‍ അനുവദിക്കില്ലെന്നായിരുന്നു കോണ്‍ഗ്രസ് നിലപാട്. മറ്റു പ്രതിപക്ഷപ്പാര്‍ട്ടി അംഗങ്ങളും കോണ്‍ഗ്രസിനൊപ്പം നിലയുറപ്പിച്ചിരുന്നു. 

The Lok Sabha passed the motion of thanks on the President’s Address during the Budget Session without a reply from the Prime Minister. This marks the first such instance since 2004 that the President’s policy address to Parliament has been approved without the Prime Minister responding to the debate.