പാലക്കാട്: പട്ടിക വര്‍ഗ്ഗ വികസന വകുപ്പിന്റെ നേതൃത്വത്തില്‍ ജില്ലയിലെ 6071 പട്ടികവര്‍ഗ്ഗ കുടുംബങ്ങള്‍ക്ക് ഓണക്കോടിയും 60 കഴിഞ്ഞ ഈ വിഭാഗത്തില്‍പെട്ട 744 പേര്‍ക്ക് ഓണക്കിറ്റും വിതരണം ചെയ്തതായി ജില്ല ട്രൈബല്‍ ഓഫിസര്‍ അറിയിച്ചു. പെരുമാട്ടി പഞ്ചായത്തില്‍ നടന്ന ചടങ്ങില്‍ കെ. കൃഷ്ണന്‍കുട്ടി എം.എല്‍.എയും കരിമ്പ പഞ്ചായത്തില്‍ നടന്ന ചടങ്ങ് കെ.വി. വിജയദാസ് എം.എല്‍.എയും കേട്ടോപ്പാടം പഞ്ചായത്തില്‍ നടന്ന ചടങ്ങില്‍ അഡ്വ. എന്‍ ഷംസുദ്ദീന്‍ എം.എല്‍.എയും മുതലമട പഞ്ചായത്തില്‍ നടന്ന ചടങ്ങ് കെ ബാബു എം.എല്‍.എയും ഉദ്ഘാടനം ചെയ്തു.