കൊടുങ്ങല്ലൂര്‍: കാരുണ്യത്തിന്റെ കരസ്പര്‍ശവുമായി ശൃംഗപുരം ഗവ. ഹയര്‍ സെക്കന്‍ഡറി സ്‌കൂളില്‍ ഓണാഘോഷം നടത്തി. ആഘോഷത്തിന്റെ ഭാഗമായി രോഗികള്‍ക്ക് ചികിത്സാ സഹായവും, നിര്‍ധന കുടുംബങ്ങള്‍ക്ക് ഓണക്കിറ്റ് വിതരണവും നടത്തി. സ്‌നേഹദളം ക്ലബ്ബിന്റെ ആഭിമുഖ്യത്തില്‍ നടന്ന ചടങ്ങ് നഗരസഭാ കൗണ്‍സിലര്‍ ഡോ. ആശാലത ഉദ്ഘാടനം ചെയ്തു. പി.ടി.എ പ്രസിഡന്റ് നവാസ് പടുവിങ്ങല്‍ അധ്യക്ഷനായി. പ്രധാനധ്യാപിക കെ.എസ് തങ്കം, പ്രിന്‍സിപ്പല്‍ പി.കെ മോഹിനി, മാതൃസംഗമം പ്രസിഡന്റ് രജി സതീശന്‍, ഷൈജു സേവ്യര്‍, പി.എഫ് ആന്റണി, മഞ്ജുഷ മജീദ്, അജിതകുമാരി, ഫൗസിയ ഷാജഹാന്‍, എന്‍.വി ഉണ്ണികൃഷ്ണന്‍ എന്നിവര്‍ പ്രസംഗിച്ചു.