കൊച്ചി: ഇന്ത്യൻ സൂപ്പർ ലീഗിന്റെ (ISL) 2025-26 സീസണിലേക്കുള്ള കേരള ബ്ലാസ്റ്റേഴ്‌സ് എഫ്.സിയുടെ സമ്പൂർണ്ണ സ്ക്വാഡിനെ ഔദ്യോഗികമായി പ്രഖ്യാപിച്ചു. ഇന്ത്യൻ അണ്ടർ 23 ക്യാപ്റ്റൻ കൂടിയായ യുവപ്രതിഭ ബികാഷ് യുംനാം ടീമിനെ നയിക്കുമെന്നതാണ് ഇത്തവണത്തെ പ്രധാന സവിശേഷത. ഹെഡ് കോച്ച് ഡേവിഡ് കറ്റാലയുടെ കീഴിൽ കിരീടം ലക്ഷ്യമിട്ടുള്ള കരുത്തുറ്റ സംഘത്തെയാണ് ക്ലബ്ബ് അണിനിരത്തുന്നത്.

സ്ക്വാഡിലെ പ്രധാന മാറ്റങ്ങൾ:

പ്രതിരോധം: നായകൻ ബികാഷ് യുംനാമിനൊപ്പം വിദേശ താരം ഉമർ ബാഹ് കൂടി എത്തുന്നതോടെ പ്രതിരോധ നിര കൂടുതൽ സുരക്ഷിതമാകും.

മധ്യനിര: കളി മെനയാൻ മർലോൺ റൂസും വിബിൻ മോഹനനും എത്തുമ്പോൾ ടീമിന്റെ മധ്യനിരയിലെ ക്രിയാത്മകത വർദ്ധിക്കും.

മുന്നേറ്റനിര: ഗോൾ അടിച്ചുുകൂട്ടാൻ വിക്ടർ ബെർട്ടോമിയുവും കെവിൻ യോക്കും അണിനിരക്കുന്നതോടെ ബ്ലാസ്റ്റേഴ്‌സിന്റെ ആക്രമണ ശൈലിക്ക് മൂർച്ച കൂടുമെന്നാണ് ആരാധകരുടെ പ്രതീക്ഷ.

ഗോൾകീപ്പിംഗ്: സച്ചിൻ സുരേഷും അർഷ് ഷെയ്ഖും വലകാക്കാൻ റെഡിയാണ്.

കേരള ബ്ലാസ്റ്റേഴ്‌സ് എഫ്.സി സ്ക്വാഡ് 2025-26:

ഗോൾകീപ്പർ

മാർസച്ചിൻ സുരേഷ്, അർഷ് ഷെയ്ഖ്, അൽസാബിത്ത് സുലൈമാൻ

ഡിഫൻഡേഴ്സ്

ബികാഷ് യുംനാം (C), നവോച്ച സിംഗ്, ഐബൻബ ഡോഹ്ലിങ്, ഹോർമിപാം റുയിവ, സന്ദീപ് സിംഗ്, മുഹമ്മദ് സഹീഫ്, സുമിത് ശർമ്മ, ജഗന്നാഥ് ജയൻ, ഉമർ ബാഹ്

മിഡ്ഫീൽഡേഴ്സ് 

വിബിൻ മോഹനൻ, ഡാനിഷ് ഫാറൂഖ്, നിഹാൽ സുധീഷ്, റൗളിൻ ബോർജസ്, ഫ്രെഡി ലാലൻമാവമ, എബിനാസ് യേശുദാസൻ, സലാഹുദ്ദീൻ അദ്നാൻ, ലൂയിസ് മത്യാസ് ഹെർണാണ്ടസ്, മർലോൺ റൂസ് ട്രൂജിലോ 

ഫോർവേഡ്

വിക്ടർ ബെർട്ടോമിയു, കെവിൻ യോക്ക്, കൊറൗ സിംഗ്, ലാൽതൻമാവിയ റെന്ത്‌ലി, മുഹമ്മദ് അജ്സൽ, ശ്രീകുട്ടൻ എം.എസ്