തിരുവനന്തപുരം: നിയമസഭാ തെരഞ്ഞെടുപ്പില്‍ സിറ്റിങ് സീറ്റായ പേരാവൂരില്‍ കെ.പി.സി.സി പ്രസിഡന്റ് സണ്ണി ജോസഫ് മത്സരിക്കുമെന്ന് ഉറപ്പായതോടെ, പ്രസിഡന്റിന്റെ താല്‍കാലിക ചുമതല മുതിര്‍ന്ന നേതാവ് ബെന്നി ബഹ്നാന്‍ എം.പിക്ക് നല്‍കിയേക്കും. ഇതുസംബന്ധിച്ച് ധാരണയായതായാണ് വിവരം. എം.പിമാരായ ഷാഫി പറമ്പില്‍, ആന്റോ ആന്റണി എന്നിവരുടെ പേരുകളും പരിഗണനയിലുണ്ടെന്നാണ് വിവരം. 

കെ. സുധാകരന്റെ പിന്‍ഗാമിയായി കെ.പി.സി.സി പ്രസിഡന്റ് സ്ഥാനത്തേക്ക് ബെന്നി ബഹ്നാന്റെ പേരും പരിഗണിക്കപ്പെട്ടിരുന്നു. കഴിഞ്ഞ ലോക്സഭാ തെരഞ്ഞെടുപ്പില്‍  കെ. സുധാകരന്‍ കണ്ണൂര്‍ സീറ്റില്‍ മത്സരിച്ചതിനെ തുടര്‍ന്ന് പാര്‍ട്ടി അധ്യക്ഷന്റെ താല്‍കാലിക ചുമതല എം.എം ഹസനാണ് നല്‍കിയിരുന്നത്. ചാലക്കുടിയില്‍ നിന്നുള്ള ലോക്സഭാംഗവും യു.ഡി.എഫ് മുന്‍ കണ്‍വീനറുമാണ് ബെന്നി ബഹ്നാന്‍.

ALSO READ: ഉമ്മന്‍ചാണ്ടിയുടെ കല്ലറയില്‍ എല്‍.ഡി.എഫ് ജാഥയുടെ പോസ്റ്റര്‍; വിവാദം- പിന്നാലെ മാനസിക വെല്ലുവിളി നേരിടുന്ന യുവാവ് കൊണ്ടുവച്ചതെന്ന് കണ്ടെത്തല്‍

ആന്റോ ആന്റണിയുടെ പേരാണ് സജീവമായി പരിഗണിച്ചിരുന്നതെങ്കിലും അടുത്ത കാലത്തായി അദ്ദേഹത്തിനെതിരെ വന്ന വിവാദങ്ങളാണ് തിരിച്ചടിയായത്. നേതാക്കളുമായി കൂടിയാലോചനകള്‍ക്ക് ശേഷം ഒന്നാംഘട്ട സ്ഥാനാര്‍ഥി പട്ടികയ്‌ക്കൊപ്പം താല്‍ക്കാലിക അധ്യക്ഷ സ്ഥാനവും പ്രഖ്യാപിച്ചേക്കുമെന്നാണ് വിവരം. 

With Sunny Joseph set to contest from his sitting seat Peravoor in the upcoming Kerala Assembly elections, the Congress party is likely to appoint a temporary KPCC president. Senior leader and MP Benny Behanan is expected to be given interim charge, according to party sources.