തിരുവനന്തപുരം: പ്രസിദ്ധമായ ആറ്റുകാൽ പൊങ്കാല പ്രമാണിച്ച് മാർച്ച് 3 ന് (ചൊവ്വാഴ്ച) തിരുവനന്തപുരം ജില്ലയിൽ പ്രാദേശിക അവധി പ്രഖ്യാപിച്ചു. ജില്ലയിലെ മുഴുവൻ വിദ്യാഭ്യാസ സ്ഥാപനങ്ങൾക്കും സർക്കാർ, അർദ്ധസർക്കാർ സ്ഥാപനങ്ങൾക്കും അവധിയാണ്. 

തിരുവനന്തപുരം നഗരപരിധിയിലെ ബാങ്കുകൾക്കും മറ്റ് കാര്യ സ്ഥാപനങ്ങൾക്കും അവധി ബാധകമാണ്. കൂടാതെ, നഗരസഭാ പരിധിയിലും വെങ്ങാനൂർ പഞ്ചായത്തിലെ വെള്ളാർ വാർഡിലും മദ്യവില്പനശാലകളുടെ പ്രവർത്തനത്തിന് ജില്ലാ കലക്ടർ‌ നിരോധനം ഏർപ്പെടുത്തിയിട്ടുണ്ട്. മാർച്ച് 2 വൈകുന്നേരം 6 മണി മുതൽ മാർച്ച് 3 വൈകുന്നേരം 6 മണി വരെയാണ് നിരോധനം. 

ALSO READ: ഇർഫാൻ ഹബീബിന് നേരെയുള്ള ആക്രമണം: ഡൽഹി സർവകലാശാലയിൽ പ്രതിഷേധങ്ങൾക്കും പ്രസംഗങ്ങൾക്കും വിലക്ക്; നിയന്ത്രണം ഒരു മാസത്തേക്ക്

ഭക്തർക്കായി കെഎസ്ആർടിസി 700 അധിക ബസുകൾ സർവിസ് നടത്തും. കൂടാതെ തീർത്ഥാടന ടൂറിസം പദ്ധതിയുടെ ഭാഗമായി 250 ബസുകളും സിറ്റി ഷട്ടിൽ സർവിസിനായി 25 ബസുകളും വിന്യസിച്ചിട്ടുണ്ട്. സുരക്ഷാ മുൻകരുതലിന്റെ ഭാ​ഗമായി 400 അഗ്നിരക്ഷാ സേനാംഗങ്ങളെയും വിന്യസിച്ചിട്ടുണ്ട്.

ഫെബ്രുവരി 23-ന് ആരംഭിക്കുന്ന പൊങ്കാല മഹോത്സവം മാർച്ച് 4-നാണ് അവസാനിക്കുന്നത്. ഇതിലെ ഏറ്റവും പ്രധാനപ്പെട്ട ചടങ്ങായ പൊങ്കാല നടക്കുന്നത് മാർച്ച് 3-നാണ്.

The Thiruvananthapuram district administration has declared a local holiday on March 3, Tuesday, in view of the Attukal Pongala festival. All educational institutions, government, and semi-government offices in the district will remain closed.