റിയാദ്: 27ാമത് കിങ്​ സൽമാൻ പ്രാദേശിക ഖുറാൻ മനഃപാഠമാക്കൽ, പാരായണം, വ്യാഖ്യാന മത്സരം എന്നിവയിൽ പങ്കെടുക്കുന്നവർക്ക് സേവനം നൽകുന്നതിനായി എ.ഐ ഉപയോഗിച്ച് പ്രവർത്തിക്കുന്ന റോബോട്ടുകളെ സജ്ജമാക്കി സഊദി അറേബ്യൻ ഇസ്‌ലാമിക കാര്യ മന്ത്രാലയം. അത്യാധുനിക സാങ്കേതികവിദ്യ പ്രയോജനപ്പെടുത്തി മത്സരാർഥികളുടെ അനുഭവം മെച്ചപ്പെടുത്തുന്നതിന്റെ ഭാഗമായാണ് ഈ നടപടി. ആറ് വിഭാഗങ്ങളിലായി നടക്കുന്ന ഈ മത്സരത്തിൽ 129 പുരുഷ-വനിതാ മത്സരാർഥികളാണ് മാറ്റുരയ്ക്കുക.

ALSO READ: സഊദിയിൽ അനധികൃത ടാക്സി സർവിസ്; രണ്ട് വിദേശികൾ പിടിയിൽ, പരിശോധന കർശനം

മത്സരത്തെക്കുറിച്ചുള്ള സമഗ്രമായ വിവരങ്ങൾ നൽകാൻ ഈ റോബോട്ടുകൾക്ക് സാധിക്കും. മത്സരാർഥികളുടെ എണ്ണം, 7 ദശലക്ഷം റിയാൽ വരെ എത്തുന്ന സമ്മാനത്തുക, മത്സര വിഭാഗങ്ങൾ തുടങ്ങിയ വിവരങ്ങൾ ഇവ നൽകും. ഈ റോബോർട്ടുകൾക്ക് 95ലധികം ആഗോള ഭാഷകൾ കൈകാര്യം ചെയ്യാനുള്ള കഴിവുണ്ട്. വിശുദ്ധ ഖുർആനെ സേവിക്കുന്നതിനായി അത്യാധുനിക എ.ഐ സാങ്കേതികവിദ്യകൾ സംയോജിപ്പിക്കാനുള്ള മന്ത്രാലയത്തിന്റെ താൽപ്പര്യമാണ് ഇതിലൂടെ വ്യക്തമാകുന്നത്. 

Saudi Arabia's Ministry of Islamic Affairs deploys AI robots for the 27th King Salman Local Quran Competition. These robots support 95 languages and provide details on contestants, categories, and the SR7 million prize pool.