ചങ്ങരംകുളം: മാന്തടത്ത് ബസിന് നേരെ ബൈക്കിലെത്തിയ രണ്ടംഗ സംഘം കല്ലെറിഞ്ഞു. ഇന്നലെ രാവിലെ 6.20ന് കോഴിക്കോട്ടേക്ക് പോകുകയായിരുന്ന വിനായക ബസിനാണ് അജ്ഞാത സംഘം കല്ലെറിഞ്ഞത്. മുന്‍വശത്തെ ഗ്ലാസ് തകര്‍ത്ത കല്ല് ഡ്രൈവറുടെ കൈയില്‍ തട്ടിയതിനാല്‍ ബസിന്റെ നിയന്ത്രണം നഷ്ടപ്പെട്ടു. ബസ്സ് കാനയില്‍ ചാടിയതിനാലാണ് വന്‍ അപകടം ഒഴിവായത്.
കല്ലെറിഞ്ഞ ശേഷം അജ്ഞാത സംഘം ബൈക്കില്‍ രക്ഷപ്പെട്ടു. അപകടത്തില്‍ രണ്ട് പേര്‍ക്ക് പരുക്കേറ്റു. ഡ്രൈവര്‍ ഷാജു, യാത്രക്കാരി സുധി എന്നിവര്‍ക്കാണ് പരുക്കേറ്റത്. ബസ് ഉടമ ചങ്ങരംകുളം പൊലിസില്‍ പരാതി നല്‍കി.