മനാമ: പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തില്‍ ബഹ്റൈന്‍ വിസിറ്റ് വിസക്കാര്‍ക്ക് ഓവര്‍ സ്റ്റേ പിഴ ഒഴിവാക്കി. 2026 ഫെബ്രുവരി 28 മുതല്‍ വിസിറ്റ് വിസ കാലാവധി അവസാനിച്ച എല്ലാവര്‍ക്കും ഇളവ് ബാധകമാണ്.

നിരവധി വിമാന സര്‍വീസുകള്‍ റദ്ദാക്കുകയോ താല്‍ക്കാലികമായി നിര്‍ത്തിവയ്ക്കുകയോ ചെയ്തതോടെ യഥാസമയം മടങ്ങാന്‍ കഴിയാതെ രാജ്യത്ത് കുടുങ്ങിയവര്‍ക്ക് ആശ്വാസമായാണ് ആഭ്യന്തര മന്ത്രാലയം പുതിയ ഉത്തരവ് നല്‍കിയത്. 

ബഹ്റൈന്‍ വ്യോമാതിര്‍ത്തി വീണ്ടും തുറന്നതിന് ശേഷം ഒരു മാസത്തേക്ക് കൂടി ഇളവ് പ്രാബല്യത്തില്‍ തുടരുമെന്ന് ആഭ്യന്തര മന്ത്രാലയ അണ്ടര്‍ സെക്രട്ടറി ഷെയ്ഖ് ഹിഷാം ബിന്‍ അബ്ദുള്‍റഹ്‌മാന്‍ അല്‍ ഖലീഫ അറിയിച്ചു. സന്ദര്‍ശകര്‍ക്ക് അവരുടെ മടക്കയാത്രം ക്രമീകരിക്കാന്‍ മതിയായ സമയം ലഭിക്കുമെന്നും അദ്ദേഹം പ്രത്യാശിച്ചു. 

വിസിറ്റ് വിസ ലഭിച്ച ശേഷം രാജ്യത്ത് എത്താനാവാത്തവര്‍ക്ക് മൂന്ന് മാസത്തേക്ക് കൂടി കാലാവധി നീട്ടി നല്‍കും. യാത്രക്കാര്‍ക്ക് 17077077 എന്ന നമ്പറില്‍ കോള്‍ സെന്ററുമായി ബന്ധപ്പെടാം. മന്ത്രാലയത്തിന്റെ [email protected] എന്ന ഇ-മെയില്‍ വിലാസത്തിലും വിവിവരങ്ങള്‍ തേടാം.