കൊച്ചി: ഇമ്മാനുവേല്‍ സ്‌നേഹതീരം ലഹരി വിമുക്ത കൂട്ടായ്മയുടേയും ഐശ്വര്യ പുരുഷ സ്വയം സഹായ സംഘത്തിന്റെയും സംയുക്താഭിമുഖ്യത്തില്‍ സൗജന്യ ഓണക്കിറ്റുകള്‍ വിതരണം ചെയ്തു.
നിര്‍ധനരും വിധവകളും രോഗികളും അടങ്ങുന്ന 150 കുടുംബങ്ങള്‍ക്കാണ് കിറ്റുകള്‍ നല്കിയത്. അരിയും പഞ്ചസാരയും ഉള്‍പ്പെടെ 10 ഇനങ്ങള്‍ അടങ്ങുന്നതായിരുന്നു ഓണക്കിറ്റ്.പോണേല്‍ സെന്റ് ഇഗ്‌നേഷ്യസ് ലയോള എല്‍.പി.സ്‌കൂള്‍ ഹാളില്‍ നടന്ന പരിപാടിയില്‍ ഡെപ്യൂട്ടി മേയര്‍ ടി.ജെ.വിനോദ് വിതരണോദ്ഘാടനം നിര്‍വഹിച്ചു.
പോണേല്‍ പള്ളി വികാരി ഫാദര്‍ മരിയാദാസ് യോഗം ഉദ്ഘാടനം ചെയ്തു.ഐശ്വര്യ പ്രസിഡന്റ് പി.വി.ഫ്രാന്‍സിസ് അദ്ധ്യക്ഷത വഹിച്ചു.സ്‌നേഹതീരം കോഓര്‍ഡിനേറ്റര്‍ ഷാജന്‍ പി ജോര്‍ജ്ജ്,കൗണ്‍സിലര്‍ ഷീലാ സെബാസ്റ്റിയന്‍,കെ.എല്‍.എം.ഡയറക്ടര്‍ ഫാദര്‍ ജോബ് കുണ്ടോണി.ഇ.എസ്.എസ് വോളന്റിയര്‍ തനുജ സേവ്യര്‍ തുടങ്ങിയവര്‍ സംസാരിച്ചു.