ജറൂസലേം: പശ്ചിമേഷ്യയെ മുൾമുനയിൽ നിർത്തി ഇസ്റാഈലിലെ അതീവ സുരക്ഷാ മേഖലകളെ ലക്ഷ്യമാക്കി ഇറാന്റെ മിസൈൽ ആക്രമണം. ദിമോണ, അരാദ് എന്നീ നഗരങ്ങളിലാണ് മിസൈലുകൾ പതിച്ചത്. മൂന്നാഴ്ച പിന്നിട്ട യുദ്ധത്തിലെ ഏറ്റവും മാരകമായ നീക്കമായാണ് ഇത് വിലയിരുത്തപ്പെടുന്നത്.

അത്യാധുനിക 'ടു-സ്റ്റേജ് ഇന്റർകോണ്ടിനെന്റൽ ബാലിസ്റ്റിക് മിസൈലുകൾ' ഉപയോ​ഗിച്ചായിരുന്നു ഇറാന്റെ ആക്രമണം. ആക്രമണത്തിൽ വൻ നാശനഷ്ടങ്ങൾ റിപ്പോർട്ട് ചെയ്തു. കൂടാതെ, ഗുരുതരമായി പരിക്കേറ്റ പത്തോളം പേരെ ആശുപത്രികളിൽ പ്രവേശിപ്പിച്ചു.

ഇറാന്റെ മിസൈലുകളെ തടയുന്നതിൽ ഇസ്റാഈൽ പ്രതിരോധ സംവിധാനങ്ങൾ പരാജയപ്പെട്ടതായി സൈന്യം ഔദ്യോഗികമായി സമ്മതിച്ചു. ഇറാന്റെ മിസൈൽ ശേഷി പ്രതീക്ഷിച്ചതിലും അപ്പുറമാണെന്ന് ഇസ്റാഈൽ സൈനിക മേധാവി ജനറൽ ഇയാൽ സാമിർ വ്യക്തമാക്കി. ലക്ഷ്യസ്ഥാനങ്ങളിൽ മിസൈലുകൾ നേരിട്ട് പതിച്ചത് ഇസ്റാഈലിന് വലിയ തിരിച്ചടിയായി.

അതേസമയം, നേരത്തെ തങ്ങളുടെ ആണവ നിലയങ്ങൾക്ക് നേരെ നടന്ന ആക്രമണങ്ങൾക്ക് മറുപടിയായാണ് ഇറാൻ ഇപ്പോൾ തിരിച്ചടിച്ചിരിക്കുന്നത്. എന്നാൽ ആക്രമണം വരും ദിവസങ്ങളിൽ കൂടുതൽ ശക്തമാക്കുമെന്നും യുദ്ധം ഉടനെങ്ങും അവസാനിക്കില്ലെന്നും ഇസ്റാഈൽ പ്രതിരോധ മന്ത്രി ഇസ്റാഈൽ കാറ്റ്സ് മുന്നറിയിപ്പ് നൽകി.

അതേസമയം, മേഖലയിലെ സംഘർഷം ആഗോള തലത്തിൽ ആശങ്ക പടർത്തുകയാണ്. പ്രശ്നപരിഹാരത്തിനായി അമേരിക്ക നീക്കങ്ങൾ ആരംഭിച്ചതായി സൂചനയുണ്ട്. സമാധാന ചർച്ചകൾക്ക് പ്രസിഡന്റ് ട്രംപ് താൽപ്പര്യം പ്രകടിപ്പിച്ചതായി വൈറ്റ് ഹൗസിലെ ഉദ്യോ​ഗസ്ഥരെ ഉദ്ധരിച്ച് റിപ്പോർട്ടുകൾ പുറത്തുവരുന്നുണ്ട്.

Iran's missile attack on Israel's Dimona and Arad cities has put West Asia on high alert, marking the most severe escalation in the three-week-long conflict. The attack has sparked panic, with civilians rushing to shelters as Israel's air defense systems face a significant challenge ¹.