പുതുച്ചേരി: ബിജെപി സഖ്യ അഭ്യൂഹങ്ങള്‍ തള്ളി പുതുച്ചേരി നിയമസഭാ തെരഞ്ഞെടുപ്പില്‍ ഒറ്റക്ക് മത്സരിക്കാന്‍ തമിഴക വെട്രി കഴകം (ടിവികെ). 30 സീറ്റിലും ഒറ്റക്ക് മത്സരിക്കുമെന്ന് പ്രഖ്യാപിച്ച ടിവികെ മുഴുവന്‍ സീറ്റുകളിലും സ്ഥാനാര്‍ഥികളെ പ്രഖ്യാപിച്ചു. പുതുച്ചേരിക്ക് പിന്നാലെ വരാനിരിക്കുന്ന തമിഴ്‌നാട് നിയമസഭാ തെരഞ്ഞെടുപ്പിലും പാര്‍ട്ടിക്ക് ഒറ്റക്ക് മത്സരിക്കുമെന്ന് ടിവികെ പ്രഖ്യാപിച്ചു. 

ഏപ്രില്‍ 9നാണ് പുതുച്ചേരിയില്‍ തിരഞ്ഞെടുപ്പ്. ടിവികെയുടെ 30 സ്ഥാനാര്‍ഥികളില്‍ രണ്ടുപേര്‍ വനിതകളാണ്. ടിവികെയിലെത്തിയ മുന്‍ പുതുച്ചേരി ബിജെപി അധ്യക്ഷന്‍ വി സ്വാമിനാഥനും മത്സരിക്കുന്നുണ്ട്. 

ALSO READ: മഞ്ചേശ്വരത്ത് എകെഎം അഷ്‌റഫിന് അപരഭീഷണി; എസ്.ഡി.പി.ഐ സ്ഥാനാര്‍ഥി ഉള്‍പ്പെടെ മൂന്നുപേര്‍ മത്സരിക്കും 

കഴിഞ്ഞ കുറച്ച് നാളുകളായി ടിവികെയുടെ എന്‍ഡിഎ പ്രവേശനത്തെച്ചൊല്ലി അഭ്യൂഹങ്ങള്‍ നിലനിന്നിരുന്നു. എന്നാല്‍ ബിജെപി സഖ്യസാധ്യത തള്ളി ടിവികെ അധ്യക്ഷന്‍ വിജയ് നേരിട്ട് രംഗത്തെത്തിയിരുന്നു. അഭ്യുഹങ്ങള്‍ തള്ളിക്കളയണമെന്ന് അണികളോട് ആവശ്യപ്പെട്ട വിജയ് നിയമസഭാ തെരഞ്ഞെടുപ്പിലും ഒറ്റക്ക് മത്സരിക്കുമെന്ന് പ്രഖ്യാപിച്ചിരുന്നു.

അതേസമയം 80 സീറ്റുകളും, ഉപമുഖ്യമന്ത്രി പദവുമാണ് ബിജെപി വിജയ്ക്ക് വാഗ്ദാനം ചെയ്തതെന്ന് റിപ്പോര്‍ട്ടുണ്ട്. നിലവില്‍ എഐഎഡിഎംകെ, ബിജെപി, പിഎംകെ പാര്‍ട്ടികള്‍ എന്‍ഡിഎ കളത്തിലാണ്. ഏപ്രില്‍ 23നാണ് നിയമസഭാ തെരഞ്ഞെടുപ്പ്.

Tamilaga Vettri Kazhagam has denied alliance rumors with Bharatiya Janata Party and announced it will contest alone in the Puducherry Legislative Assembly Election. tvk has declared candidates for all 30 seats and confirmed it will also contest independently in the upcoming Tamil Nadu Legislative Assembly Election.