ദുബൈ: ദുബൈയിലുണ്ടായ വാഹനാപകടത്തിൽ മലയാളി യുവാവ് മരിച്ചു. പാലക്കാട് മണ്ണാർക്കാട് പാലക്കയം കുണ്ടംപൊട്ടി മേലെമുറിയിൽ ജോണിയുടെ മകൻ സിജോ (40) ആണ് മരിച്ചത്. കഴിഞ്ഞ 12 വർഷമായി യുഎഇയിൽ പ്രവാസിയായിരുന്ന സിജോ ദുബൈയിൽ കപ്പൽ ജീവനക്കാരനായി ജോലി ചെയ്തുവരികയായിരുന്നു.

മോട്ടർസൈക്കിളിൽ യാത്ര ചെയ്യവേ മറ്റൊരു വാഹനം ഇടിച്ചാണ് അപകടമുണ്ടായതെന്നാണ് നാട്ടിൽ ലഭിച്ച പ്രാഥമിക വിവരം. അപകടം നടന്ന ഉടൻ തന്നെ ജീവൻ നഷ്ടപ്പെടുകയായിരുന്നു. ഭാര്യയും മകളുമൊത്ത് ദുബൈയിലായിരുന്നു സിജോ താമസിച്ചിരുന്നത്.

ജോണിയുടെയും സെലിന്റെയും മകനാണ്. ദുബൈയിലെ സ്‌കൂളിൽ അധ്യാപികയായ അഞ്ജുവാണ് ഭാര്യ. ഏക മകൾ ജുവാന.