ഡൽ​ഹി: ദേശീയഗീതമായ 'വന്ദേമാതര'ത്തിന് ദേശീയഗാനമായ 'ജനഗണമന'യ്ക്ക് തുല്യമായ പദവി നൽകാനുള്ള നിർദേശം കേന്ദ്ര മന്ത്രിസഭ അം​ഗീകരിച്ചു. ഇതിന്റെ ഭാ​ഗമായി, ദേശീയഗാനത്തോടുള്ള അനാദരവ് തടയുന്ന നിലവിലെ നിയമത്തിൽ ഭേദഗതി വരുത്തും. ഇതോടെ വന്ദേമാതരത്തെ അവഹേളിക്കുന്നതും ആലാപനം തടസ്സപ്പെടുത്തുന്നതും ഇനി മുതൽ ശിക്ഷാർഹമായി മാറും. 

ദേശീയഗാനത്തെ അപമാനിക്കുന്നവർക്ക് നിലവിൽ മൂന്ന് വർഷം വരെ തടവോ പിഴയോ അല്ലെങ്കിൽ രണ്ടും കൂടിയോ ലഭിക്കാം. അതേസമയം, ആവർത്തിച്ച് കുറ്റം ചെയ്യുന്നവർക്ക് കുറഞ്ഞത് ഒരു വർഷം തടവ് നിർബന്ധമാണ്. ഈ നിയമം ഇനി വന്ദേമാതരത്തിനും ബാധകമാകും.

ALSO READ: സുദാൻ വിമാനത്താവള ആക്രമണം: പങ്കില്ല; ആരോപണങ്ങൾ തള്ളി യു.എ.ഇ

ബങ്കിം ചന്ദ്ര ചതോപാധ്യായ വന്ദേമാതരം രചിച്ചതിന്റെ 150-ാം വാർഷിക വേളയിലാണ് ഈ തീരുമാനം. ഇന്ത്യൻ സ്വാതന്ത്ര്യസമര പോരാളികൾക്ക് ആവേശം പകർന്ന വന്ദേമാതരത്തിന് ദേശീയ​ഗാനത്തിന് തുല്യമായ പദവി നൽകണമെന്ന ആവശ്യം നേരത്തെ പാർലമെന്റിലും ഉയർന്നിരുന്നു.