മണ്ണാര്‍ക്കാട്: എം.ഇ.എസ് സംസ്ഥാന പ്രസിഡന്റ് ഡോ. ഫസല്‍ ഗഫൂറിനെതിരെ ഒരുവിഭാഗം പ്രവര്‍ത്തകര്‍ രംഗത്ത്. മണ്ണാര്‍ക്കാട്, എടത്തനാട്ടുകര മേഖലയിലെ ഒരു വിഭാഗം പ്രവര്‍ത്തകരാണ് കഴിഞ്ഞ ദിവസം എടത്തനാട്ടുകരയില്‍ പ്രതിഷേധ യോഗം ചേര്‍ന്നത്.
സംസ്ഥാന നേതൃത്വത്തിനെതിരേ പരസ്യമായി രംഗത്തുവന്ന പ്രവര്‍ത്തകര്‍ കോഴിക്കോട് മുന്‍സിഫ് കോടതിയില്‍ പരാതി നല്‍കുകയും ചെയ്തതായി വാര്‍ത്താകുറിപ്പില്‍ അറിയിച്ചു. സംഘടനയില്‍ സംസ്ഥാന പ്രസിഡന്റ് ഫസല്‍ ഗഫൂര്‍ ഏകാധിപത്യവും, ധൂര്‍ത്തും, അഴിമതിയും നടത്തുകയാണെന്നും യോഗം കുറ്റപ്പെടുത്തി.
 പ്രതിഷേധ യോഗത്തില്‍ ഡോ. മെഹഫൂസ് റഹീം അധ്യക്ഷത വഹിച്ചു. സി. മുഹമ്മദാലി, പ്രൊ. ടി.പി അബൂബക്കര്‍, കെ. കബീര്‍, പ്രൊ. പി.പി മുഹമ്മദ്, കളത്തില്‍ ബഷീര്‍ എന്നിവര്‍ സംസാരിച്ചു.