പത്തനംതിട്ട: സി.പി.എം നേതാവ് അഡ്വ. ആര്‍. കൃഷ്ണകുമാര്‍ മുസ്‌ലിംലീഗില്‍ ചേര്‍ന്നു. സി.പി.എമ്മില്‍ ഉന്നത പദവികള്‍ വഹിച്ചിരുന്ന കൃഷ്ണകുമാര്‍ ഒരു മാസം മുമ്പ് വരെ തൊട്ടപ്പുഴശ്ശേരി ഗ്രാമ പഞ്ചായത്ത് പ്രസിഡന്റ് ആയിരുന്നു. 

സി.പി.എം ബി.ജെ.പിയുമായി ഉണ്ടാക്കിയ ധാരണയില്‍ പ്രതിഷേധിച്ചാണ് മതേതര പാര്‍ട്ടിയായ മുസ് ലിം ലീഗില്‍ ചേര്‍ന്നതെന്ന് കൃഷ്ണകുമാര്‍ പറഞ്ഞു. ലീഗ് നേതാവ് ഷാഫി ചാലിയം കൃഷ്ണകുമാറിനെ ലീഗിലേക്ക് സ്വീകരിച്ചു. 

ALSO READ: മഞ്ചേശ്വരത്തെ നാമനിര്‍ദ്ദേശ പത്രിക പിന്‍വലിക്കുമെന്ന് എസ്.ഡി.പി.ഐ സ്ഥാനാര്‍ഥി അഷ്‌റഫ് കെ.എം

കോയിപ്രം ബ്ലോക്ക് പഞ്ചായത്ത് പ്രസിഡന്റായും 20 വര്‍ഷത്തോളം സി.പി.എമ്മിന്റെ ബ്ലോക്ക് പഞ്ചായത്ത് വൈസ് പ്രസിഡന്റ്, സ്റ്റാന്‍ഡിങ് കമ്മറ്റി ചെയര്‍മാന്‍ പദവികള്‍ വഹിച്ചിരുന്നു. സി.പി.എമ്മിന്റെ ഏരിയ കമ്മറ്റി അംഗം, മൂന്ന് തവണ ലോക്കല്‍ കമ്മിറ്റി സെക്രട്ടറി, എസ്.എഫ്.ഐ പത്തനംതിട്ട ജില്ലാ പ്രസിഡന്റ്, ഡി.വൈ.എഫ്.ഐ പത്തനംതിട്ട ജില്ലാ വൈസ് പ്രസിഡന്റ്, എസ്.എഫ്.ഐ തിരുവനന്തപുരം ലോ അക്കാഡമി ലോ കോളേജ് യൂണിയന്‍ ചെയര്‍മാന്‍, തിരുവിതാംകൂര്‍ ദേവസ്വം ബോര്‍ഡിന്റെ കേരള ഹൈക്കോടതിയിലെ സ്റ്റാന്‍ഡിങ് കൗണ്‍സിലര്‍, എന്‍.ആര്‍.ഇ.ജി ജില്ലാ വൈസ് പ്രസിഡന്റ്, കേരള കര്‍ഷക സംഘം ജോയിന്റ് സെക്രട്ടറി, ഇലന്തൂര്‍ കോ ഓപ്പറേറ്റീവ് ബാങ്ക് പ്രസിഡന്റ് തുടങ്ങിയ പദവികളും വഹിച്ചിട്ടുണ്ട്.

Advocate R. Krishnakumar, a former leader of the Communist Party of India (Marxist) in Pathanamthitta, has joined the Indian Union Muslim League. The political shift comes amid the election season and is seen as a notable development in the region’s political landscape